Poster del Pian Marshall, co scrivesto: "In calsiase sircostansia, se riva al benstare solche unii".
El
Pian Marshall
, ufisalmente ciama
European Recovery Program
, el ze sta uno dei piani pułitego-economeghi
statunitensi
par ła recostrusion de l'
Eoropa
dopo de ła
seconda guera mondiałe
. El ze sta anunsa inte un discorso del
segretario de Stato statunitense
George Marshall
inte el
5 de zugno
del
1947
inte l'
Universita de Harvard
e i vegneva inpegnai pi de 12,7 miłiardi de dołari.
El discorso col cuało el
segretario de Stato statunitense
del tenpo
George Marshall
el ghea anunsa al mondo ła decizion dei Stati Unii d'America de tacar ełaborar e l'atuar un pian de juti economego-finansiari par l'Eoropa che dopo, par convension storiografega, el saria sta conosesto cofa "
Pian Marshall
", el ze sta sensa dubio uno dei momenti pi inportanti de ła storia de ła pułitega internasionałe del secondo
dopoguera
.
Marshall el ghea aferma che l'Eoropa ła garia avesto bezogno, almanco par altri 3 - 4 ani, de grandi juti da parte statunitense e che, sensa de sti cua, granda parte del
vecio continente
el garia pasa un stra-grave deterioro de łe condision pułiteghe, economeghe e sociałi. Siben che el fuse sta tanto vago so łe carateristeghe del Pian, anca parche prima el vołea descorar so ła predispozision dei termani coi eoropei, el segretario de Stato el se ghea augura che da sto fondo se podese verzar no solche na nova e pi granda epoca de cołaborasion intra łe do sponde de l'
Atlantego
, ma anca na prima reałizasion de tuti i projeti eoropeisti fin deso caraterizai da na serta vaghesa
utopistega
.
L'idea de Marshall, che ła zera vegnesta de fato za comunicada ai
inglezi
, ła zera stada colzesta co favor anca da ła
Fransa
, che, paro, ła ghea dimanda de estendar łe reunion preparatorie anca a l'
Union Sovietega
che, dopo un prinsipio de manifestasion de intarese, ła se ghea refuda partesipar al negosio, obigando anca tuti chełi altri paezi del
bloco orientałe e comunista
de far conpagno.
El
Eoropean Recovery Program
(ERP) el ghea prevedesto a ła fin un fondo de poco pi de 14 miłiardi de
dołari
par un periodo cuadrienałe. Col fin de favorir na prima integrasion economega inte el Continente, el zera nasesto anca el
Organization for Eoropean Economic Cooparation
(OEEC, in veneto
OECE
), organismo tecnego andove i programatori inviai da
Washington
i ghea serca de spenzar i goerni eoropei a doparar i juti miga solche par far fronte ai problemi del momento, ma anca par metar in pie un prosedimento de trasformasion de ła strutura de l'
economia
dei so Paezi.
Contrariamente a l'augurio fazesto inte el prinsipio da Marshall, cuazi tuti i adezionadori al pian, i ghea dimanda el juto par ła cronpa de ałimenti de nesesita baziłare, prodoti industriałi,
conbustibiłe
e, solche in minema parte,
machinari
e
mezi de produsion
che de longo termeno, i garia podesto frutar a łe economie. Inte l'iteso tenpo sentenari de consejeri economeghi statunitensi i zera stai mandai in Eoropa, e ghe ze sta consentio a studiozi e esperti eoropei de vizitar
inpianti industriałi
e de frecuentar corsi de istrusion inte i Stati Unii.
El Pian el zera finio, cofa prevedesto in prinsipio, inte el
1951
e i tenti de slongarghene par calche ano l'efeto no i ga avesto bon ezito par via del s-ciopo de ła guera de
Corea
e de ła vitoria dei
republegani
inte łe ełesion par el Congreso de l'ano prima.
Par cualche tenpo un mucio de economisti statunitensi se ghea zudega negativamente l'inpatamento del Pian Marshall su l'economia eoropea dato che, par so opinion, el ghea produzesto efetivamente na cresita sostegnesta, ma grasie al baso costo del lavoro, roba che - no gavendo induzesto na contenporanea cresita dei rediti - el gaveva porta verso de na serta stagnasion inte ła speza e inte i consumi. In realta - cofa dimostra da łe anałize dei ultemi ani - el Pian el ga consentio a l'economia eoropea de suparar un momento de crize e el ghea favorio na recuperasion che za inte el 1948 ła zera evidente, consentendo ai Paezi benefisadori de suparare l'indaze de produsion pre-bełego za inte el momento inte el cual el fluso de juti el zera finio.
El Pian Marshall el ze sta repartio intra i paezi partesipanti so ła baze ła rendita pro capite.
De sevente na toła de łe repartision in milioni de dołari USA: