El ronpar de ła Cuca
ła ze na gran inondasion de’l 17 otobre
589
cauzada da’l straripamento de l'
Adeze
che el gavaria porta, drio ła storiografia veneta, i canbiamenti subii da’l sistema idrografego de’l Veneto osidentałe e meridionałe (come anca de ła
łaguna
) inte’l
VI
e
VII segoło
. Ła Cuca al di de onco ła ze ła Veroneła, che ła score inte on vecio łeto che l’Adeze el ga bandona.
‘Sti ultemi tenpi A se tende a considarar l’avegnimento de menor inportansa e a metarlo drento on cuadro pi grando: A se pensa che łe cauze dei fenomeni łe sia da sercar infra i canbiamenti climateghi e ła poca cura de’l mantenjer dei arzeni dei fiumi daspo de ła fin de l’inpero roman.
Ła fonte prensipałe de’l avegnimento ła ze ła
Historia Langobardorum
de Paolo Diacono, sucesiva de do secołi a’l inondasion.
(
LA
)≪ aquae diluvium [...] quale post Noe tempore creditur non fuisse. Factae sunt lavinae possessionum seu villarum, hominumque pariter et animantium magnus interitus. Destructa sunt itinera, dissipatae viae, tantumtuncque Atesis fluvius excrevit, ut circa basilicam Beati Zenonis martyris, quae extra Veronensis urbis muros sita est, usque ad superiores fenestras aqua pertingeret [...] Urbis quoque eiusdem Veronensis muri ex parte aliqua eadem sunt inundatione subruti. ≫
(
VEC
)≪ Na inondasion d’acua, che A se crede no ła ghe fose pi sta da i tenpi de Noe. Canpi e borghi i ze deventai rovine, A ghe ze sta un mucio de morti, tanto de omeni che de bestie. Desfai i ze i sentieri, spasae via łe strade, tanto ga inonda el fiume Adeze, che intorno a ła baziłega de San Zeno martire, che ła se cata fora dei muri de Verona, el ze riva a tocar łe fenestre pi alte. Anca i muri de ła stesa sita de Verona inte na serta parte i ze stai roti da l’inondasion. ≫
(Historia Langobardorum Liber III,23)
Par l’avegnimento miracołozo de ła baziłega dove cuesta no ła vien trata zo e ansi inte ła strutura entra poca acua Paolo Diacono el ciapa a modeło on testo de papa Gregorio I, contenporaneo a i fati.
I ultemi studi i ga demostra che i canbiamenti inte’l corso dei fiumi i ze durai par on łongo pariodo. Infra łe cauze A se połe tenjer prezente on pejoramento de łe condision climateghe, cofa on aumento de’l vołume de łe piove e ła poca manutension de’l corso dei fiumi. I studi conpii so ła storia idrozeołozega de ła łaguna de Venesia i porta a pensar che A ze inte sto pariodo che scomisia a canbiar el so aspeto de fin a otenjer ła conformasion moderna. Studi resenti i pone ła fin del fenomeno a’l XII e inisi de’l XIII secoło.
Ła łaguna ła ze el prodoto dei fiumi che i creava on anbiente pałudozo ndove, co on łeveło d’acua pi ceło de cueło de onco, ła zera na rete de canałi, izołoti e barene da Comachio a Grado ben testimoniada da i audori antighi.
I fiumi che i ndava rento ła łaguna i zera Piave, Siłe, Zero, Deze, Marzenego, Brenta, Bachijon, Anjo, Adeze, Tartaro e Po.
Ła Piave che prima ła dezbocava insenbre a’l Siłe visin a ła sita de Heraclia ła se sposta a sud, verso Cavałin Treporti, łasando l'inportante sentro bizantin sensa ła so defeza bazada so ła destansa da ła teraferma.
El Siłe el dezboca separa da ła Piave a Portegrandi visin a Cavałin Treporti fazendo sparir łe aree bonifegae in epoga romana ndove che A se catava struture de abitasion e produsion.
El Deze e'l Zero i riva deso a ła łaguna visin Torseło inte ła zona del porto de Sant'Erazmo, che a l'epoga ła jera drio ła costa del mar. L'acua dolse ła ga cauza el cresar del łeveło de ła łaguna e ła formasion de aree małareghe.
El Marsenego A se pensa che el dezbocase inte el mar a porto del Łido e che el se unise in pasa al delta de ła Brenta inte ła zona de Canaregio.
Ła Brenta e'l Bachijon i łasa el presedente łeto, separandose e modifegando de conseguensa el so delta, che el se catava infra Małamoco e Cioza.
Ła Brenta ła venjara canałizada pasando par defarenti rami che A se pensa che i rivase a Fuzina, Ołivoło, Małamoco e Albioła.
El Bachijon el riva in mare, invese, a l'altesa de Cioza, daspo ver traversa Vicensa, tacandose a sud de Padoa co ła Brenta.
Ła gran cuantita d'acua rivada ła cuerzara el sistema de canałi e arzeni che i Romani i gaveva costruio fin dal 1 seg. a.C., e ła łinea de ła costa ła se move senpre pi in vanti.
A sud dezbocava ła continuasion del Anjo e del Gua.
A sconpare on ramo de l'Adeze che el pasava par Bonavigo, Minerbe, Montanjana, Este, Sant'Ełena e Sułizin, dezbocando a Brondoło, visin Cioza, cargando cusi el łeto prensipałe de na major portada d'acua. Łe continue inondasion de l'Adeze łe venjara doparae da i Łongobardi par defendarse da l'Ezarca de Ravena.
El corso del Tartaro no'l se ga modifega ne ła gran parte. El dezbocava a Pełestrina, ma daspo el perde el toco finałe fazendo nasar łe pałudi. Probabilmente A ze inte 'sto pariodo che el ativa de novo on ramo del delta del Po, che el coresponde a'lPo de Adria (el Canalbianco).
A se pensa che A sie inte l'ano 589 che el ramo prensipałe del Po el se sposta dal Po de Primaro al Po de Vołan, anca se da na łetara de Casiodoro par che za inte el 537-538 el segondo el fose el pi ativo.
Drio i corsi del Tartaro e de ła Fiłistina A nase dal IX segoło i sentri de Badia, Łendinara, Viłanova, Rovigo e Viładoze.
Inte el X segoło el feudatario inperiałe
Almerico de Mantoa
el porta l'Adeze a scorar sol łeto de l'antigo canałe Chirola. Da chel momento l'Adeze el ga on parcorso simiłe a cueło moderno: da Łenjago el pasa par Viła, Castanjaro, Badia, Łendinara, Łuzia, Rovigo e, daspo gaver traversa Cavarzere, el dezboca inte el mar Adriatego visin a Cavaneła d'Adeze. Inte el XIV segoło el łeto de l'Adeze el vien zlarga e el parcorso scursa infra Badia e Łuzia, portandoło fora da Rovigo, anca se 'sta sistemasion ła vien conpletada soło che inte el XIX segoło. Daspo l'inondasion del 1951 A venjara costruii i novi arzeni che i inpedisa che l'avegnimento el capite uncora.
El nome Połezine el nase inte el X segoło par defenir ła moderna provinsia de Rovigo e parte del teritorio ferareze, infra el corso del Adeze a nord e del Po de Vołan a sud.
Cuesta ła ze in breve ła situasion idrografega del Połezine fin a ła seguente inondasion del X segoło.