Mad Suurge sjo iek, dat masse Bielden hoochleeden waide un neen Lizenz stoant deerap, sodat naan weet, af doo Bielden wuddelk frairoat sunt (dat rakt Public Domain, sukke Bielden konnen fon alkunaan sunner Angoawen uutsprat waide, dat rakt ferskeedene Creative-Commons-Lizenzen, sukke Bielden konnen uk atter taamelk loose Raagele, t.B. mad Naamenge fon dan Uurheeber, fersprat waide un dat rakt GNU, dusse Lizenz is al n bitje strommer, man uk noch nit heel un aal uunfrai.) Man dat rakt uk Copyright, un dusse Bielden duuren bloot frai benutsed waide, wan die Uurheeber doo saarm frairakt! Uurs mout me in doo maaste Lounde, uk in Duutsklound, atter dan Dood fon dan Uurheeber soogentich Jiere taiwe, dan stounde jo uk unner ju Public Domain-Lizenz.

Me mout uk deerap oachtje, dat doo oubieldede Ljuude ienfersteen sunt, wan juu Bielde eepentelk moaked wad, uurs konnen jo aan uk bekloagje.