Marron Curtis Fort (* 24. Oktober 1938 in Boston ; † 18. Dezember 2019 ) wier n amerikoansk-duutsken Germanist un Spezialist foar ju Seelter un ju Laichduutske Sproake. Fort besit ju duutske Stoatsburgerskup un is truch Ferleenenge fon dat Indigenat fon ju Ostfriesische Landschaft ?ienburgerde Aastfraise“. Hie woont daalich in Lier . Fort is Eerenburger fon ju Meente Seelterlound siet 13. Dezember 2004.

Akademisken Waidegong [ Beoarbaidje | beoarbaidje Waltext ]

Atter dan Internoatsbesaik in New Hampshire (USA) studierde Marron C. Fort siet 1957 an ju Princeton University do Feeke Germanistik, Anglistik, Niederlandistik, Skandinavistik un Mathematik. In dat Jier 1961 wikselde hie tou ju Universitat fon Pennsylvania (Philadelphia). In dan Roome fon n universitar Uuttuuskprogram koom hie 1963 an ju Albert-Ludwigs-Universitat Freiburg im Breisgau . 1965 promovierde Fort bie Prof. Alfred Senn an ju University of Pennsylvania toun Ph. D., un wail mad ne Dissertation uur dat Laichduutske fon Facht ("Beschreibung der Vechtaer Mundart", Faksimile foarhounden in ju UB Vechta ).

Fon 1969 bit 1985 hiede Marron C. Fort ne Professur foar Germanistik an ju Universitat fon New Hampshire inne. In disse Tied, nammelk 1976/77 un 1982/83, uurnoom hie Gastprofessure an ju Universitat Oldenbuurich . In disse Tied fang hie sien Studien fon ju seelter Sproake un fon dat aastfraiske Laichduutsk oun. An ju Universitat Ooldenbuurich waas Fort siet 1983 Akademisken Oberroat un laitede bit tou sien Pensionierenge in dat Jier 2003 ju Oarbaidssteede Laichduutsk un Seeltersk an ju Universitat Ooldenbuurich. Siet 1982 woont hie in Duutsklound.

Prof. Dr. Marron C. Fort is Ferfoater fon n Woudebouk fon dat Seelterske un fon ju Seelter Biebel . Hie had uk biedrain tou Bekoandhaid fon ju seelter Sproake truch Prasse, Rundfunk un Fiersjoon .

Wierke [ Beoarbaidje | beoarbaidje Waltext ]

Dat Woudebouk uut 1980 (links) un dat Naie Tastamant (gjuchts).

• Zur Phonologie des Saterfriesischen . In: Us Wurk 20 , 37-41 (1971)
• Saterfriesisches Worterbuch . Helmut Buske Verlag, Hamburg 1980. ISBN 3-87118-401-2
• Das Saterfriesische vor Hoche: zwei vergessene Quellen . In: Us Wurk 33 , (1984).103-108.
• Saterfriesisches Volksleben . Ostendorp, Rhauderfehn 1985. ISBN 3-921516-42-0
• Saterfriesische Stimmen . Ostendorp, Rhauderfehn 1990. ISBN 3-921516-48-X
• Die ferladdene Suun, der bisher alteste saterfriesische Text . In: Jahrbuch fur das Oldenburger Munsterland 20, 1988:25-33.
• Nicolaas Westendorp: “Over de Saterlanders”. In: Jahrbuch fur das Oldenburger Munsterland 22, 1990:151-159.
• Niederdeutsch und Friesisch zwischen Lauwerzee und Weser . In: Zwischen Schreiben und Lesen: Festschrift fur Hermann Haavekost zum 60. Geburtstag . Hg. Hans-Joachim Waetjen, Oldenburg 1995:493-525.
• Das romanische Lehnwort im Saterfriesischen . In: Fs. Arhammar , (1996) 141-149.
• Das niederdeutsche Element im Saterfriesischen . In: Neue Forschungsarbeiten zur Kontaktlinguistik . Hgg. Wolfgang Moelleken/ Peter J. Weber, Bonn, 1997:171-178 (Plurilingua XIX).
• Niederdeutsch als zweite Sprache der Saterfriesen . In: Fries. Stud. III , 1997:83-112 (Supplement vol. 18. Nowele).
• Das Saterfriesische . In: Horst Haider Munske (Hrsg.), Handbuch des Friesischen, Handbook of Frisian Studies , Tubingen 2001:409-422.
• Dat Naie Tastamant un do Psoolme in ju aasterlauwersfraiske Uurtoal fon dat Seelterlound, Fraislound, Butjoarlound, Aastfraislound un do Groninger Umelounde . Oldenburg 2003. ISBN 3-8142-0692-4
• Saterfriesisches Worterbuch . Helmut Buske Verlag, Hamburg 2015. ISBN 978-3-87548-723-7

Weblinks [ Beoarbaidje | beoarbaidje Waltext ]

• Der letzte Saterfriese ( Deutsche Welle )