Gesina Siemer (*13. Oktober 1911 in Roomelse ; † 6. August 2007 in Ait ) wuuks in Roomelse ap as Dochter fon dan Smid Nikolaus Siemer. Fon Siemer kon me kweede, dat ju as eerste in dat Seelterske dichtede.

Lieuwend [ Beoarbaidje | beoarbaidje Waltext ]

Ju beginde 1928 mad dichtjen, wierbie ju ap Anraagenge fon Pestoor Kokenge hiere seelter Maamesproake benutsede. In ju Skrieuwwiese kuud ju sik deerbie stutsje ap ju seelter Sprakwoudesamlenge, ju Julius Broring 1901 haaruutroat hiede.

Hiere eerste Gedicht ? wail Din unbekoande Stierwedai - waas atter ne Preetenje fon dan Pestoor. Do Gedichte arskeenen domoals in do Heimatblatter fon ju Oldenburgische Volkszeitung . Ju had Louts Hinerks Tjoue (hiere eensige Prosa) in 1931-32 skrieuwen. Atters hilkede ju atter dat Rhienlound un dan ap t Oaler satten jo sik in Ait deel.

Atter 1970 is ju faare geen mad skrieuwen. Hiere Dichtsammelnenge is in 1977 in Ju Seelter Kroune arskienen. Louts Hinerks Tjoue is leeter nochmoal in Seelter Tjoue uutroat. As Hermann Janssen uut Amerikoa touraach keem had hie foar ju Saitenge skrieuwen ( Lesebouk foar Seelterlound , 1953-1965) un ferskaidene Gedichte fon Siemer publiziert.

In 2007 sunt two Bouke fon Siemer arskienen, Dat ganse Lieuwend un Fiene Stemmen .

Toanksteen [ Beoarbaidje | beoarbaidje Waltext ]

Ap 6. August 2008, an hieren eersten Stierwedai, is foar Gesina Lechte-Siemer n Toanksteen deelsat. Die stoant bie dat naie "Pfarrheim" an ju Maarkedstraite in Roomelse .

Thema [ Beoarbaidje | beoarbaidje Waltext ]

Dat Wierk fon Siemers belukt sik ap Doontjene fon do Jierstiede, dat Lieuwend fon alle Deege un uur dat Seelterlound un sien Geskichte.

Wierke [ Beoarbaidje | beoarbaidje Waltext ]

• 1953-65 Ferskeedene Gedichte in dat Lesebouk foar Seelterlound
• 1971 : Louts Hinerks Tjoue , Seelter Trjoue. N Tjooterstuk in fjauer Deele, skrieuwen 1931 of 1932. 45 Sieden.
• 1977 : Ju Seelter Kroune . Ostendorp Verlag Rhauderfehn. Mad Bielden uut Seelterlound fon Bruno Ewen. 124 Sieden.
• 2004 : Dat ganse Lieuwend , Seelterfraiske Gedichte un Laidere. Ait/ Friesoythe. 107 Sieden.
• 2004 : Fiene Stemmen , Seelterfraiske Gedichte un n Laidere foar litje Baidene. Romelse ? Seelterlound. 61 Sieden.

Bielde [ Beoarbaidje | beoarbaidje Waltext ]

• 
  Gesina hier eerste Gedicht Din unbekoande Stierwedai , dat ju - 18 Jiere oold - skreeuw ap ne Preetenje fon Pestoor Kokenge.
• 
  Dat Gedicht Aadentied in Gesina hiere oaine Hondskrift.
• 
  Datsalge Gedicht Aadentied in Botke sien Bouk Sealterlan.
• 
  Dat Gedicht Foarjiersdai in de Meerte , so as dat arskeen in ju Oldenburgische Volkszeitung fon dan 20. Meerte 1935.
• 
  Ounfangssiede fon ju Hondskrift fon dat Tjooterstuk Louts Hinerks Tjoue (arskienen Seelter Trjoue 6:1-48 (1971).
• 
  Fiene Stemmen , 2004
• 
  Dat ganse Lieuwend , 2004

Sjuch uk [ Beoarbaidje | beoarbaidje Waltext ]

• Text fon dat Lesebouk fon Seelterlound hier online