Belgien

Koninkrijk Belgie Royaume de Belgique Konigreich Belgien

Woalspruch : Eendracht maakt macht L'union fait la force Einigkeit gibt Starke ( Niederloundisk , Frantsoosk un Duutsk : Eenegaid rakt Staarkegaid )
Nationoalhymne : Brabanconne

Amtssproake	Niederloundisk Frantsoosk Duutsk
Haudstaad	Brussel
Stoatsfoarm	parlamentariske Monarchie
Flakte % Woater	30.689 km² 0,64%
Ienwoonere ( 2023 )	11.698.000
Munte	Euro (EUR)
Tiedzone	UTC +1
Fierdai	21. Juli
Loundkode	BEL
Auto-Kanteeken	B
Internet TLD	.be
Telefonfoarwoal	++32

Belgien is n Lound in Waast- Europa . Ju Haudstaad is Brussel un die Koonich fon dat Koonichriek is Filip . Die Ministerprasident is siet 2020 Alexander De Croo . Dat Lound lait twiske ju Noudsee , un do Ardennen un granset an do Niederlounde , Duutsklound , Luxembuurich un Frankriek . Truch ju desantroale Ferwaltenge rakt et naist ju nationoale Regierenge uk tjo Regionen ( Flandern , Wallonien un Brussel ) un ne niederloundiske, franske un duutske Meenskup.

Geskichte [ Beoarbaidje | beoarbaidje Waltext ]

Die Nome 'Belgien' kumt fon Gallia Belgica , ne romiske Provinz in dat Noude fon Gallien . Foar ju romiske Invasion in't 1. Jierhunnert f.Chr. woonden do Belgae in disse Region. Do Belgae wieren ferskeedene bestuude uut germaniske un keltiske Befoulkengsgruppen. Do keltiske Gruppen wuuden in dan Loop fonne Tied romanisiert.

Do germaniske frankiske Stomme wuuden in't 5. Jierhunnert touhoopebroacht unner ju Heerskup fon do merowingiske Koonige. In't 8. Jierhunnert wuude dat Koonichriek fon do Franken n Kaiserriek, dat sonaamde Frankiske Riek . 843 wuude truch dan Ferdraach fon Verdun dat Frankiske Riek apdeeld in tjo Stukke, Belgien liech tou disse Tied in't Middelfrankiske Riek un deels in dat Aastfrankiske Riek.

In't Leetmiddeloaler wuuden do flamiske un italieniske Staaden do wichtichste Hondelsregion fon gans Europa. In Flandern waas ju Doukinsdustrie heel groot. Do ferskeedene Gebiete keemen 1477 unner dat Huus Burgund, wat fon do Habsburger aarwet wuude. 1555/56 wuude dat Riek fon do Habsburger apdeeld in n spoansk un n aastrieksk Deel. Do niederloundiske Provinze, wier Belgien tou heerde, koom bie Spanien.

Die Tachentichjierige Kriech (1568?1648) ferdeelde do Niederlounde in do noudelke fereende Provinze un do suudelke Niederlounde. Do suudelke Niederlounde stuuden unner ju spoanske un aastriekske Ferwaltenge. Disse suudelke Niederlounde wieren ju Basis foar dat modarne Belgien.

Dat revolutionare Frankriek annektierte twiske 1792 un 1794 do aastriekske Niederlounde, 1795 wuude Belgien n Deel fon ju franske Republik. Ap't Wiener Kongras (1815) wuude oumoaked dat do belgiske Provinze Deel fon do (noudelke) Niederlounde weese skuulen. Residenzstaad fon'n niederloundiske Koonich wuude Brussel.

Belgien wuude 1830 uunouhongelk fon do Niederlounde. Leopold wuude Koonich ap'n 21. Juli 1831. Disse Dai wuude Belgiens nationoale Fierdai.