Toradora! ( とらドラ！ Toradora! ) est unu contu naschiu a su comintzu comente romanzu chi aiat iscrittu Yuyuko Takemiya, chin annantos disinnos de Yasu, e battiu a pustis, abberguau su sutzessu, ind'unu manga galu in cursu de isvilupu e ind un'anime de 25 episodios.

Su titulu Toradora! benit dae su lumen de sos pessonazos printzipales, Taiga Aisaka e Ry?ji Takasu. Taiga cheret narrer "Tiger" (tighera) in sa manera chi sos giapponesos tenen de pronuntziare s' ingresu , sende in giapponesu "Tora" (虎?). Sa prima parte de su lumen de Ry?ji, "Ry?" (??), cheret narrer "iscurtone" in giapponesu e sa trasliteradura de sa paragula ingresa est "Doragon" (ドラゴン?).

Istoria [ modifica | modifica su codighe de origine ]

Sa istoria contat su rapportu chi su protagonista, Ry?ji Takasu, tenet chin sos fedales suos in su secundu annu de iscola superiore. In genere sun dificurtosos meda, ca issu non pro curpa sua tenet particulares ocros dae sende naschiu: cristas a susu e iride a sanpaku li dan unu isguardu e aspettu de pessone violenta e delincuente, mancari chi siat zentile e de bonu coro, gai chi si biet semper custrintu a ispiegare a sos ateros s'ecuivocu. De custa caratteristica Ry?ji si nde fachet unu cumpressu malu a che sanare, ca de amicos non bi nd'at, francu unu (Y?saku Kitamura) chi pro fortuna sichit a abbarrare in classe sua, e de pitzocas mancu a nde faveddare, mancari chi bi nde siat una chi li piachet (Minori Kushieda) ma chi non li at mai ammustrau sos sentimentos chi provat issu.

Una die Ry?ji at modu de provocare, chenza nemmancu lu cherrere, a sa pitzocca prus connotta peri tottu s'iscola pro su carattere violentu e negativu chi tenet chin sa zente, Taiga Aisaka, tantu chi la muttin "tighera palmare": issa est a s'imbesse de Ry?ji, ca mentras issu pro s'aspettu fachet timoria a sos atteros sende zentile de carattere, issa de aspettu est bella e disizada ma de carattere fachet onore a su paralumen suo. Taiga lu menispressiat sa prima vorta chi lu biet. Issu abberguat chi peroe est in amore chin su menzus amicu suo, Kitamura, e issa est sa menzus amica de sa pitzocca chi tantu bisat che amorada, Kushieda: goi fachen unu pattu, alliandesi pro facher a manera chi dontzunu si ponzat a pare chin sos chi lis piachen.

A pustis de unu muntone de provas, faddias in tottu e pro tottu, in realtade sun Ry?ji e Taiga a intender chi provan sentimentos s'unu pro s'attera, e diventan una coppia.