Coordinadas
:
42°19′54″N
83°02′51″W
/
42.331667°N 83.0475°W
42.331667; -83.0475
Detroit
est una tzitade de sos
Istados Unidos
, sa prus populada chi s'agatet in s'istadu de su
Michigan
e sa majore a cara de sa frontera cun su
Canada
. Est fintzas su cabulogu de sa
contea de Wayne
. Sa munitzipalidade de Detroit at populatzione istimada de unos 673.000 bividores, faghende·nde sa de 23 tzitades prus populadas de sos
Istados Unidos de America
. S'
area metropolitana
, connota che
Metro Detroit
, contat unas 4.3 milliones de personas, chi nde faghent sa segunda prus manna in su
Midwest
a fatu de
Chicago
.
Detroit at portu de subra su
Riu Detroit
, unu de sos bator istringhiduras majores chi acapiant su sistema de sos
Lagos Mannos
a sa bia de abba de su Santu Larentzu. S'arioportu
Detroit Metropolitan
est intre sos iscalos de prus importu de sos Istados Unidos. Sa tzitade est sa de tres majores rezones economica de su
Midwest
, a palas de
Chicago
e
Minneapolis-St.Paul
, e sa de 14 de sos Istados Unidos. Detroit e sa tzitade canadesa a costazu de
Windsor
sunt annatadas a traessu unu tunnel e su ponte
Ambassador
, puntu de trasida prus traficadu de s'
America de su Norte
. Sa tzitade est mezus connota che su tzentru de s'industria automobilistica de Istados Unidos, e difatis sa
General Motors
, sa
Ford
e sa
Chrysler
ant totus sede tzentrale in ie.
Detroit fiat fundada su 24 de treulas de su
1701
dae s'isploradore frantzesu e aventureri
Antoine de la Mothe Cadillac
impare a unu grupu de colonos. Durante su de 19 seculos, si fiat fata tzentru industriale de importu in mesu in mesu a sa rezone de sos Lagos Mannos. Cun s'ispaniadura de s'industria automobilistica a primitziu de su de 20 seculos, sa tzitade e sas biddas in intorinos fiant creschidas meda in presse e a partire de sos annos '40, fiat sa de bator tzitades majores de totu sa natzione. Nointames, a causa de sos cambios industriales, sa perdida de traballos in s'industria automobilistica e sa suburbanizatzione lestra, Detroit at perdidu a partire de sa segunda parte de su de 20 seculos fintzas a oe una parte cunsistente de populatzione. Dae sos 1.85 milliones a chi aiat azuntu in sos annos '50, in die de oe sos bividores ant basciadu de su 60%. In su 2013, Detroit est istada sa prus manna tzitade de Istados Unidos a declarare bancaruta, pro torrare a si pesare in su nadale de su 2014, cando su guvernu de sa tzitade at torradu pigare cuntrollu subra sas finantzas suas.
Detroit at una cultura diversificada, siat influentzia locale siat internatzionale, in particulare in s'ambitu musicale, aende dadu avviu a sos zeneres
motown
e
techno
, e zogadu unu rolu de importu in s'isvilupu de su
jazz
, de sa musica
hip-hop
, de su
rock
e de su
punk
. Sa creschida lestra de su passadu at lassadu monumentos architetonicos e logos istoricos chi remontant a sa prima metade de su de 20 seculos, e a partire de sos annos 2000 sunt istados fatos isfortzos pro sarbare medas benes architetonicos e abiadu paritzas revitalizatziones in iscala-manna, comente restauratzione de teatros istoricos, e de logos de intratenida, rinovaduras, istadios isportivos, progetos de recuperu de su longu frumene. Prus de reghente sa populatzione de su tzentru de Detroit e de apenditzios barios at creschidu. In su 2015 Detroit est istada numenada
Tzitade Creativa
dae s'
UNESCO
, prima tzitade de Istados Unidos a retzire custu titulu.