Seria da fotografias dad Eadweard Muybridge
Films consistan da fotografias, pia da singuls maletgs statics. L’effect dal film n’e nagut auter che l’illusiun da moviment che sa dat cun mussar singuls maletgs en ina successiun fitg sperta: A partir dad ina frequenza da 15 maletgs per secunda na recepescha l’egl betg pli singuls maletgs, mabain in moviment cuntinua. Gia en il 17avel tschientaner hai da preschentaziuns da sequenzas da maletgs picturads cun agid da l’uschenumnada laterna magica. Il svilup tar il film modern e dentant sta dependent da l’invenziun da la reproducziun fotografia. L’onn 1839 ha Louis Daguerre preschenta la daguerrotipia, in proceder per retegnair glisch e sumbriva sin ina platta da metal. Cun questa invenziun ha l’istorgia da success mundiala da la fotografia cumenza.
A l’entschatta da la fotografia era il temp d’illuminaziun per in singul maletg anc memia lung per pudair crear sequenzas da maletgs. Quest pass decisiv e lura reussi l’onn 1872 al fotograf englais Eadweard Muybridge, che ha realisa l’enconuschenta seria da fotografias d’in chaval galoppant. Il Franzos Louis Le Prince ha silsuenter sviluppa ina camera speziala e realisa l’onn 1888 ina sequenza da maletgs ch’ins po numnar or da vista dad oz in film per propi. L’onn 1891 ha William K. L. Dickson alura sviluppa en il manaschi da Thomas Edison il cinetograf ed il cinetoscop. Questas apparaturas mainan in bindel da celluloid davant in objectiv e furman uschia la basa per registrar e reproducir la rolla da film classica.
Sin basa da questas premissas tecnicas en sa sviluppads a l’entschatta dal 20avel tschientaner il film dramatic ed il kino, cun stars e starlets ed emprims success europeics ed americans ils onns 1910/20. In ulteriur pass decisiv marchescha la midada dal film mit al film cun pleds vers ils onns 1927/28.
