Lemberch
Lemberch
(amtlich
Lemberg
) is e Ortsgema vun de Verbondsgema Barmesens-Lond im
Londkras Siedwestpalz
in
Rhoilond-Palz
(
Daitschlond
). Es grenzt direkt siedestlich on die Schdadt
Barmesens
. 11 km siedlich vun Lemberch is die Londesgrenz zu
Frongraisch
. Vun de Ofang vun de londgraflich Residenz domols 1763 in Barmesens is Lemberch de wichtigschde Ort in de Geeschend gewasst. Hait hat Lemberch ungefahr 3.900 Inwohner.
Geografie
Lemberch lait uf e paar Hichel. Um de eher klanne Ortskern laie e paar Naibaugebiete. Om Ortsrond lait die
Burchruin Lemberch
, die 1230 als ?Castrum Lewenberc“ zum erschte mol in ennre Urkunde erwahnt wor is - aus ?Leweberch“ laitet sich a de Ortsnome ab. Die Rodalb entschpringt bai Lemberch, ma hat se im Ortsgebiet zu'me Waiher uffgeschtaut.
Fascht 90% vun de Gemarkung, des sinn 5100 ha, sinn mit Wald beschdonn. Es Gelande is typisch fa de
Palzerwald
, mit arme, sondischem Bodde, viele klanne Wasserlaif un waldische Hichel, die in de Rechel vun Buntsondschdafelse gekrent sinn. Die bekonndeschde sinn Maiblumme-, Rawe- und Rubbertsfelse und de Rodeberch. Mit 58,3 km² is Lemberch anni vun de greschde Gemarkunge in Rhoilond-Palz. Die Wasserschad zwische
Rhoi
un Mosel zieht sich vunn Nordoscht no Siedwescht quer dorch die Gemarkung.
waidalese ...
Voaschlach far die nagschde
Ardiggl vum Monad
konn
jeda
am
Schdammdisch
mache.