Di Wikipedia, e ensiklopedia liber
Wikipedia ta un ensiklopedia. Generalmente, un artikulo mester tin
topiko notabel
(apropiado pa un ensiklopedia of almanak).
Si topiko ta kontroversial (politika of religion), inklui varios opinionnan. Usa puntu di bista neutral.
Aviso di bo mes empresa no ta apropiado.
E kriterionan no ta e uniko base pa determina si un artikulo ta adekua i kla pa publika.
E prinsipio di sano huisio ta konta i lo guia nos.
Tur artikulo den e ensiklopedia mester:
- Tin
un base
; esei ta deskribi un topiko spesifiko. Un artikulo den
Wikipedia
no ta un storia, argumento, alabansa of propaganda komersial, sino ta deskribi e topiko den un manera neutral i konkreto. Si tin mas ku un solo posishon establesi, ta splika konsiso kiko ta esei i kua gruponan ta liga na kua respektivo deklarashonnan etsetera.
- Tin un
introdukshon
ku ta menshona breve e tema i ta formula konsiso e pakiko e topiko ta ensiklopediko. E prome frase ta kontene e
titulo di artikel
ku leter diki.
- Ta un
distribushon logiko den suptemanan
. Den kaso di un artikulo biografiko e orden kronologiko ta bisto, por ehempel.
- Artikulonan ta basa riba
fuente existente
i ta menshona esei. Un fuente no mester ta
online
, tambe e por un buki of dokumento skirbi. Menshona e URL den kaso e fuente ta disponibel online. Ta obligatorio pa tin un minimo di un (1) fuente, pero nos ta prefera ku tur deklarashon ta karga un fuente.
- Tin
suptemanan standart
manera "Linknan eksterno", "Mira tambe", i otro. Usa nan kaminda ta posibel.
- Tin un
minimo di algun frase
. Un solo frase no ta sufisiente of adekua.
Artikulonan ki tin hopi eror, of ki ta wordu skirbi den idioma kompletamente robes (ingles, hulandes, of un tradukshon inlegibel of inkomprensibel of ta traha mediante un kompiuter) nos lo mester kita.
Papiamentu of papiamento? Ambos.
Tin dos idioma i dos sistema di skibimentu:
Papiamento
di Aruba i
Papiamentu
di Korsou i Boneiru. Den Wikipedia nos mester koopera! Si bo traha un artikulo nobo, usa bo mes dialekto. Por fabor no kambia e dialekto di teksto eksistente. (For di kuminsamentu, e menu i kategoria di Wikipedia ta na papiamentu.)