Lo Raspberry Pi es un nanoordinador monocarta de processador ARM. Foguet concebut pel creador de videojocs David Braben , dins l'encastre de sa fondacion Raspberry Pi .

L'ordinador, qu'a la talha d'una carta de credit , permet l'execucion de mantuna varianta del sistema d'explotacion liure GNU / Linux e dels logicials compatibles. Es vendut nus (sonque la carta maire, sens caisseton, alimentacion, clavier, mirga ni mai ecran) amb la toca de reduire los costes e de permetre l'utilizacion de material de recuperacion.

A l'encop se vol encoratjar los utilizaires a aprendre la programacion informatica . Es pasmens pro dobert ( ports USB e mai ret) e potent (ARM 700 MHz, 256 Mo de memoria viva dins lo model d'origina, 512 Mo dins las darrieras versions) per permetre una granda varietat d'utilizacions. Son circuit grafic BMC Videocore 4 particularament permet de descodificar los fluxes Blu-Ray full HD (1080p 30 imatges per segonda), d'emular d'ancianas consolas e d'i far foncionar de videojocs pro recents.

Son pretz de venda era estimat a 25 $, valent a dire 19,09 €, a la debuta de mai de 2011. Se venderon los primiers exemplars tre lo 29 de febrier de 2012 per aperaqui 25 €. Al comencament de 2013, eran ja estat crompats mai d'un milion de Raspberry Pi.