Mit Listen schall’n vorsichtig wesen, wenn’n de as Artikel anleggen will. Listen schoolt blots denn bruukt warrn, wenn de Saken, de oplist warrt, vun ene faste un begrenzte, kloor defineerte Tall sund, de todem so groot is, dat se nich in den Utgangsartikel passt, un in en logische Reeg bracht warrn koont. Dat heet, kene Listen schoolt maakt warrn, wenn de Tall temlich groot is, nich kloor is, wat dor rinschreven warrn schall.

Bispeel: Ene List vun de Bischop vun Brescia kann Sinn maken, denn de Tall vun Bischop is bekannt, is so groot, dat se in den Artikel Bisdom Brescia villicht to veel Platz innimmt, dat Kriterium for de Opnahm vun Artikels is kloor defineert un dat gifft kene Fall, wo Twiefels anbracht sund un todem koont de Artikels to de Bischop in en logische Reeg bracht warrn, na ehr Amtstieden.

Gegenbispeel: Ene List vun Scheep maakt kenen Sinn, dat gifft un geev dusende un Milljonen Scheep op de Welt, de’n nich all in de List opnehmen kann. Dat gifft ok keen logisch Kriterium, woans de Scheep sorteert warrn schoolt oder wat overhaupt en Schipp is. Fohren to’n Bispeel de Wikingers op Wikingerbood oder op Wikingerscheep?

De vorhannenen Listen staht in de Kategorie:List .