Walter Ruppel (* 17. April 1927 in Hamborg ; † 22. Dezember 2016 ok dor) weer en duutschen Schauspeler, Theaterschriever un ehmalger Intendant vun dat Ohnsorg-Theater .

He hett eerst bi dat Theater im Zimmer arbeit un denn an’t Thalia Theater , wat he denn tosommen mit Peter Striebeck bit 1985 for en Tiet vun twee Johr leidt hett. He weer aber ok Intendant in Regensborg un Bremerhoben. Vun 1985 (oder 1986) bit 1994 weer he denn Intendant vun dat Ohnsorg-Theater.

Ruppel hett dat Ohnsorg-Theater wieder nah vorn brocht, indem he ok weer klassisch Stucke upnehmen de un de Speelbaas Ilo von Janko haalt hett, de ganz begeistert vun de Schauspeler weer, de nich so vol diskuteeren deen. Ruppel is mit dat Theater aber ok in’t Utland gahn (Tokio, New York). Dorbi kunn Ruppel noch nich eenmal plattduutsch snacken.

Wiels he gesundheetlich anslahn weer, muß he vor de Tiet toruchtreden.