Inderbinen-Putt in Zermatt
Ulrich Inderbinen
(*
3. Dezember
1900
in
Zermatt
; †
14. Juni
2004
ok dor) weer en
Swiezer
Bargfuhrer un Bargstieger. He hett 371-mal dat
Matterhorn
, 84-mal den
Mont Blanc
un 81-mal de
Dufourtipp
, den hoochsten Barg vun de Swiez besteegen.
De Sohn vun
Bargbuern
is mit acht Geschwistern upwussen. Mit fief Johren hett he as Kohhoder arbeit. Geld hett he all in dat Oller vun 13 Johren verdeent, as Schaaphoder, later as Bauarbeiter, Discher oder Elektriker.
1921 hett he tosommen mit sien Susters dat eerste Mal dat Matterhorn besteegen. 1925 hett he de Bargfuhrerschool afslooten, aber eerst um de 1960er-Johren harr he wegen den touristischen Upswung utreckend Arbeit as Bargfuhrer. Weltwiet funn Inderbinen 1990 Beachtung, as he in’ Rahmen vun en Feernsehsennen to’n 125. Johresdag vun de Eerstbestiegen vun den Matterhorn as nu 89-Johriger noch eenmal up den Tipp steeg.
Mit 80 Johren fung he an, bi Skirennen deeltonehmen. Wiel dat in sien Ollersklass meestens kien anner Deelnehmers mehr geev, wunn he meestens. Mit 95 Johren nehm he letztmals an en Bargfuhrer-Skirennen deel.
Wenig Interesse wies Inderbinen an neetietlich Sekerungsmethoden. So fuhr he noch 1983 sien Touristen mit en Tau um’t Liev dor de Gletscherbruche.
Inderbinen hett bit to sien 96. Levensjohr as Bargfuhrer arbeit. En Stort hett hum dwungen, de Bargfuhrerloopbahn aftosluuten. Mit 96 Johren hett suck de gloovende Katholik en Levensdroom erfullt: He is nah Rom reist, um den Segen vun Paapst
Johannes Paul II.
to empfangen. In dat Johr 2000 hett hum de Gemeend Zermatt to sien 100. Gebortsdag en Utstellung widmet un en hum widmet Putt in’ Oortskarn vun Zermatt wurr inweeht. 2004 is he in sien 104. Levensjohr storven. To dissen Tietpunkt weer he de oldste Mann in den
Kanton Wallis
.
- Heidi Lanz, Liliane De Meester:
Ich bin so alt wie das Jahrhundert.
Rotten, Visp 1996.
