De Rode Armee Frakschoon (afkort: RAF) weer en duutsche Terrororganisatschoon , de af Enn'n vun de 1960er Johren vool Arger un Leed over Duutschland brocht hebbt. Anfungen is dat eerst mit Koophuus in Brand setten, later henn hebbt se aber ok vool Prominenten entfohrt un doodschaten, so as Hanns Martin Schleyer un Siegfried Buback .

De bekannst Terroristen weern Andreas Baader un Ulrike Meinhof , de as Baader-Meinhof-Grupp, de Vorganger vun de RAF weern. Anner bekannte weer Gudrun Ensslin , Brigitte Mohnhaupt un Christian Klar . Fastnommen un verurdeelt wurrn sund se meest all, Meinhof, Baader, Enslin un Jan-Carl Raspe hebbt suck later henn sulvst umbrocht.