Maren Hammerschmidt (2018)
Maren Hammerschmidt
(*
24. Oktober
1989
in
Frankenberg
) is en duutsch
Biathletin
un Skilangloperin.
Maren Hammerschmidt is de Twillinssuster vun
Janin Hammerschmidt
un leevt in
Winterberg
. De Tolloberwachtmeisterin start for den
SK Winterberg
. Se wurrd vun Carsten Pieper, tovor vun
Thomas Pawliczek
un
Bernhard Kroll
traineert. Siet August 2008 horrt se to dat
Toll Ski Team
.
Hammerschmidt hett hor eerst internatschonal Rennen in’ Rahmen vun dat
European Youth Olympic Festival
2007 in
Jaca
bestreeden, wo se Fievte in dat Sprintrennen wurr un in dat Verfolgungsrennen de Bronzemedaille wunn. Bi de
Biathlon-Juniorenweltmeesterschapen 2008
in
Ruhpolding
wurr se in’ Sprint Weltmeesterin vor
Elise Ringen
un hor Suster, full denn aber up Rang 9 toruch, wiels hor Suster in de Verfolgung Weltmeester wurr. In’ Eezel keem se denn blots up Rang 32, wunn aber mit de Staffel (mit hor Suster un
Nicole Wotzel
) hor tweeten Titel. Bi de
Biathlon-Juniorenweltmeesterschapen 2010
in
Torsby
keem se in’ Eenzel blots up Platz 21 wunn aber in’ Sprint de Goldmedaille vor
Sophie Boilley
un
Synnøve Solemdal
.
Gegen Enn’ vun de IBU-Cup 2009/10 geev Hammerschmidt hor internatschonal Debut bi de Fruen un keem glieks in hor eerst Sprintrennen up den 10. Platz. Dat Johr drup reck se as best Ergevnis en Rang 6 bi en Sprint in
Ridnaun
. In de IBU-Cup-Saison 2011/12 wunn se de Gesamtertung, Sprint un Eenzel un keem in de Verfolgung up den Gesamtrang 4. In de Saison is se denn ok eerstmals in’ Weltcup insett wurrn un hett dor mit Platz 34 hor eerst Weltcuppunkte sammelt. In de folgen Johren keem se denn aber nich mehr so richtig voran.
An’ 29. November 2015 reck se gemeensam mit
Daniel Bohm
in dat sweedsch
Ostersund
in de Single-Mixed-Staffel den darten Platz achter de Teams ut Nowegen un Kanada..
[1]
In de Johren tovor harr se man blots selten to dat duutsch Weltcup-Team horrt. Hor bit dorhen best Resultat bi de Utwussen reck se an' 11. Dezember 2015 as se in' Weltcup-Sprint vun Hochfilzen den 2. Platz achter
Franziska Hildebrand
(bi de hor eerst Sieg) aber vor
Miriam Gossner
belegg. En Dreefack-Sieg vun duutsch Fruen bi en Weltcup harr dat over veer Johr lang nich geven. Den 2. Platz kunn se in de ansluuten Verfolgung hollen. Ditmal wunn
Laura Dahlmeier
. Den darten tweeten Platz an dat Weekenenn' hett se suck denn noch mit de Staffel an de Siet vun
Franziska Preuß
,
Vanessa Hinz
un Franziska Hildebrand haalt. In
Pokljuka
kunn se suck eerstmals for en Massenstart in' Weltcup qualifizeeren un reck den 14. Rang. In Ruhpolding is se weer in' Massenstart antreeden un wurr up Platz fiev wert, nahdem se suck in' Teelsprint noch mit
Tiril Eckhoff
verhaken dee un over Kopp gung. In de Staffel wurr se nah twee Straafrunnen vun
Miriam Gossner
up den elften Platz mit meest twee Minuut Ruckstand up de Tipp in dat Rennen schickt. Mit en stark Leistung un de best Looptiet broch se de Staffel aber noch up den tweeten Platz un overgeev mit 28 Sekunn Ruckstand up Laura Dahlmeier, de suck to'n Sluss blots
Olena Pidhruschna
in' Teelsprint slahn geven muss. De Rennen in
Antholz
,
Canmore
un
Presque Isle
hett Hammerschmidt utlaaten, um suck up de
Biathlon-Weltmeisterschaften 2016
vorzobereiten. Wegen hor good Platzeeren wiels de Saison un hor Leistungen in Oslo wurr se for de Staffel nomineert un wunn gemeensam mit Franziska Preuß, Franziska Hildebrand un Laura Dahlmeier de Bronzemedaille un dormit hor eerst Medaille bi Weltmeesterschapen.
- ↑
[
http://www.eurosport.de/biathlon/ostersund/2015-2016/maren-hammerschmidt-und-daniel-bohm-landen-in-ostersund-auf-dem-podest_sto5008467/story.shtml
, afropen an’ 29. November 2015]
