Karl Hermann Fritz Ferdinand von Buchka (* 23. September 1885 in Gottingen ; † 11. Februar 1960 in Freeborg ) weer en duutschen Politiker von de DVP , NSDAP un CDU .

Von Buchka is 1885 as Sohn von Adelheid, borene von Plato, un den Chemiker Karl von Buchka in Gottingen boren. He weer op Gymnasium in Gottingen un Berlin un hett Juristeree an de Universitat Gottingen studeert. He weer dor siet 1904 Liddmaat von dat Corps Bremensia . ^[1] Buchka hett 1907 sien Dokterarbeid over dat Thema In welchem Verhaltnisse steht der Paragraph 119, Abs. 2 BGB zu den §§ 459-464, 538, 539 BGB? schreven un is 1905 Rechtsreferendar worrn. 1907 weer he Gerichtsreferendar in Spandau , 1909 Regerungsreferendar bi de Regerung in Oppeln un von 1913 af an Regerungsassesser in Blomendal , Trier , Wirsitz un Auerk . He weer in’n Eersten Weltkrieg von 1914 bet 1917 Soldaat. In disse Tied harr he as Nafolger von Magnus von Braun vertredungswies ok dat Amt as Landraad von’n Kreis Wirsitz . 1917 hett denn Kurt Baron von Stempel dat Amt overnahmen.

Nadem Paul Berthold 1917 doodbleven is, hett Buchka sien Amt as Landraad von’n Kreis Blomendal overnahmen. He weer dat von 1917 bet 1920. In disse Tied is Buchka na de Novemberrevolutschoon an’n 11. Januar 1919 for korte Tied dor den Arbeider- un Soldatenraad as Landraad afsett worrn, hett dat Amt denn aver wedderkregen. Sien Nafolger as Landraad weer Ludwig Christians . In’n Juni 1920 is he Regerungsraad in Auerk worrn. He is dor aver man blots en korte Tied ween. Al an’n 10. Juli 1921 gung Buchka as Landraad in’n Kreis Keden , de in Freeborg sitten dee. Dor is he bet to’n 31. August 1932 bleven un weer de letzte Landraad von dissen Kreis, de to’n 1. Oktober 1932 mit’n Kreis Jork un den Kreis Stood to’n ne’en Kreis Stood tohoopgahn is. Buchka hett as liberalen Landraad gullen un weer bi de DVP .

An’n 1. September 1932 hett Buchka dat Amt as Landraad von’n Kreis Goldap in Oostprußen von sien Vorganger Hans Berner overnahmen. 1933 is he Maat von de NSDAP worrn (Liddmatennummer 1.683.854) ^[2] . He weer ok Obertruppfuhrer bi’n Staff von de SA -Standarte 44.

Buchka weer 1939 Mitrutgever von dat Heimatbuch des Kreises Goldap . 1943/1944 hett he vertredungswies ok dat Amt as Landraad von’n Landkreis Sudauen overnahmen. In Goldap is he bet 1945 Landraad bleven. He weer aver toletzt Soldaat in’n Tweten Weltkrieg un keem in brietsche Kriegsfungenschop. 1946 is he wedder freekamen un gung na Freeborg. Dor is he 1948 in de CDU ringahn. Bet 1950 harr Buchka keen Stellung. Bi de CDU is Buchka 1950 Vorsitter von’n Bezirksverband Stood worrn. Dat Amt harr he bet 1954. He weer Landsvorsitter for Neddersassen in de Kommunalpolitische Vereinigung von de CDU.

Von 1949 bet 1956 weer Buchka Afornten in’n Kreisdag von’n Landkreis Stood un Viez-Landraad. De Patenschop twuschen Landkreis Stood un Kreisgemeenschop Goldap (Maat von de Landsmannschop Oostpreußen ), de 1952 slaten worrn is, geiht to en groten Deel op em trugg.

In Duutschen Bundsdag weer he von 1953 bet 1957 (2. Wahlperiood). He is dor over de Landslist Neddersassen intagen. Dor weer he von’n 8. Mai 1956 bet 1957 Viez-Vorsitter von’n Sunnerutschuss for dat Beraden von dat Waterhuusholtsgesett .

Buchka is Ehrenliddmaat von de Kreisgemeenschop Goldap.

Warken [ annern | Bornkood annern ]

• In welchem Verhaltnisse steht der Paragraph 119, Abs. 2 BGB zu den §§ 459-464, 538, 539 BGB? Dokterarbeid, Gottingen 1907
• Karl von Buchka/Willi Lemke (Rutgevers): Heimatbuch des Kreises Goldap . Insterborg 1939

Footnoten [ annern | Bornkood annern ]

1. ↑ Kosener Corpslisten 1960, 39 , 1039
2. ↑ Helmut Gewalt: Angehorige des Bundestags / I. - X. Legislaturperiode ehemaliger NSDAP- & / oder Gliederungsmitgliedschaften (pdf-Datei, afropen an’n 20. November 2011; 63 kB).