Karl Gerhart ?Gert“ Frobe
(*
25. Februar
1913
in
Oberplanitz
(vundaag
Zwickau
-Planitz); †
5. September
1988
in
Munchen
) weer en duutschen
Schauspeler
. He gellt as een vun de bedudensten
Charakterdorstellers
vun de duutsche Filmhistorie. Wiethen bekannt worrn is he mit sien Rullas Kinnermoorder in den Krimiklassiker
Es geschah am hellichten Tag
vun 1958 un ok as Titelfigur in den
James-Bond
-Film
Goldfinger
vun 1964.
Frobe weer de Sohn vun den
Reepmaker
-Meester, Ledderhannler un Schoster Otto Johannes Frobe un den sien Fro Alma. He harr den Drang na de Kunst un hett dorum as Handlanger un Kulissenschuver in’t Stadttheater vun Zwickau anfungen. Blangeto hett he sik Geld as Stahgeiger in Zwickau un umto verdeent. Wegen sien ro’en Hoorschimmer weer he in de Gegend as ?Dar rode Geicher von Zwigge“ bekannt. Dorbi hett he markt, dat he Anlagen for de
Schauspeleree
harr. Vun 1933 bit 1935 mook he denn en Utbilln as
Theatermaler
an de
Sass’schen Staatsoper Dresden
un nohm dorna Schauspeelunnerricht. Dorophen kreeg he bald
Statisten
- un Nevenrullen. Sien sunnere Gaav for de
Kummedie
weer vun sien Schoolmeester
Erich Ponto
opdeckt.
Na en Engagement an’t
Duutsche Volkstheater
in Wien unner
Walter Bruno Iltz
is he 1948 in de Rull vun den ?
Otto Normalverbruker
“ in den Film
Berliner Ballade
bekannt worrn. As he mit de Tiet jummer mehr an Gewicht tonehmen de, hett he in’n Verloop vun sien Warken faken dat
Klischee
vun den tyypschen Duutschen ? ok in internatschonale Produkschonen ? bedeent .
Frobe kunn en bannig groot Spektrum vun Rullen spelen, vun’n swoorgewichtigen Komiker bit to’n differenzeerten Charakterdorsteller. Ofschoonst he wat stammiger weer, weer he lieker in de Laag dor Bewegung, Mimik un ok Liefpoos bannig unnerscheedliche Charakterstudien uttoarbeiten. Butendem weer he en rutragen
Rezitater
, de op sien Rezitatschoons-Tourneen de Warken vun to’n Bispeel
Christian Morgenstern
,
Joachim Ringelnatz
oder
Erich Kastner
nich blots stimmlich man ok mimisch un gestisch inszeneert hett.
Na meist veertig duutsprakige Filmen, weer he 1958 in
Es geschah am hellichten Tag
as de Kinnermoorder ?Schrott“ to sehn. De Film baseer op en Vorlaag
Friedrich Durrenmatt
. Disse Rull hett em soss Johren later sien internatschonalen Dorbrook brocht, as he de Titelrull in den James-Bond-Film
Goldfinger
kregen hett. Dorbi muss he aver hennehmen, dat he in de engelschen Originalversion wegen sien starken duutschen Akzent vun den engelschen Schauspeler
Michael Collins
synchroniseert weer. Veel Spood harr ok sien nachsten engelschen Film
Those Magnificient Men in Their Flying Machines
, in den sien Originalstimm bibehollen worrn is. En wieteren bedudenen Film ut de Tiet weer
Via Mala
vun 1961, na den
glieknoomten
Roman vun
John Knittel
.
As Frobe 1965 bi en Interview mit de
Daily Mail
apentlich togeven harr, dat he Liddmaat vun de
NSDAP
wesen is, weern sien Filmen in
Israel
op’n Index sett. Dat Verbott is aver acht Weken later wedder fallen laten worrn, as klunnig worrn is, dat Frobe in de Tiet vun’n
Natschonalsozialismus
en joodsche Familie unnerbrocht un mit Levensmiddels unnerstutt harr.
[1]
Sien letzte Feernsehrull harr Frobe in de
ZDF
-Feernsehreeg
Die Schwarzwaldklinik
. De Episood ?Hochzeit mit Hindernissen“, in de he en Gastrull speelt hett, is eerst na sien Dood utstrahlt worrn. He harr johrelang Lasten mit en
Mundhohlenkarzinom
hatt. Dat seeg ut, as wenn he wedder over’n Barg weer, as Frobe unvermodens na en Rezitatschoonsavend an’n Naklapp vun en
Hartinfarkt
doodbleev, den he morgens vor sien letzten optritt hatt hett. Gert Forbe is op’n Wooldkarkhoff in
Icking
bisett worrn.
[2]
Frobe weer fiefmol verheiraat. Ut sien eerste Eh mit Clara Peter is sien Sohn Utz boren worrn. Vun 1953 bit 1959 weer he mit de Filmkritikersche Hannelore Gortz verheiraat. In drudde Eh weer he mit de Schauspelersche un Singersche
Tatjana Iwanow
tohopen, de en Sohn (
Andreas Seyferth
) mit in de Eh brocht hett, de vun Frobe adopteert worrn is. Mit de Rundfunkjournalistin Beate Bach weer he vun 1962 an verheiraat. Se is 1968 doodbleven. 1970 hett he denn Karin Pistorius heiraat, de ehr Dochter Beate he ok wedder adopteert hett.
Gert Frobe hett sik for dat Team vun de Augsborger
Benefiz
-Footballmannschop
Datschiburger Kickers
stark maakt, de sik for’t
Fundraising
for go’e Saken insetten deit.
- ↑
?Frobe-Boykott. Bose zugespitzt“
in
Der Spiegel
vun’n 21. Februar 1966; afropen an’n 25. November 2012
- ↑
knerger.de:
Dat Graff vun Gert Frobe
- ↑
Bekanntgaav vun Vergaven vun’n Verdeenstorden vun de Bundsrepubliek Duutschland. In: Bundesanzeiger. Jg. 25, Nr. 111, 16. Juni 1973.]