Ernesto Castano
(*
2. Mai
1939
in
Cinisello Balsamo
(MI)
,
Italien
; †
5. Januar
2023
[1]
) weer en
italieensch
Footballspeler
.
Castano bill tosommen mit
Giancarlo Bercellino
in de 1960er Johren en legendaar
Binnenverteidiger
-Duo bi
Juventus Turin
.
Ernesto Castano fung sien Loopbahn bi den Vereen vun sien Heimatstadt, Balsamese, an. 1956 is he to de
AC Legnano
in de
Serie B
wesselt, wo he mit blots 17 Jahren all Stammspeler weer. In de folgen Saison speel he weer in de tweete Liga, ditmal bi de
US Triestina
.
1958 wurr he sluutend vun
Juventus Turin
unner Verdrag nommen, for de he an’ 22. November 1958 gegen den
AS Bari
sien
Serie-A
-Debut fiern kunn. Mit man just 20 Johren kunn he mit
Juve
in de Saison 1959/60 all den Gewinn vun sien eerst italieensch Meesterschap fiern. Bit 1962 weer Castano meest blots Ersatzspeler, af de Saison 1962/63 wurr he denn Stammspeler in de Afwehr un bill tosommen mit
Giancarlo Bercellino
en legendaar Binnenverteidigung. Castano hett insgesamt 335 Partien in’ Dress vun Juventus Turin maakt un hett dorbi twee Doren schaaten. He kunn dorbi jewiels dreemal de italieensch Meesterschap as ok de
Coppa Italia
winnen.
Ernesto Castano hett sien aktiv Loopbahn 1971, in dat Oller vun 32 Johren bi
Lanerossi Vicenza
afslooten
Sien Debut in de Natschonalmannschap vun Italien geev he an’ 29. November 1959 bi dat 1:1 in en Speel gegen de Mannschap vun Ungarn in
Florenz
.
Dornah trucken acht Johr in’t Land, bit he sien tweet Lannerspeel maken kunn. Liekers wurr he vun
Ferruccio Valcareggi
in den Kader vun de
Squadra Azzurra
for de Football-Europameesterschap 1968 in dat eegen Land beropen, stunn denn ok in dat Halffinale gegen de Mannschap vun de UdSSR un in dat eerste Finalspeel gegen de Mannschap vun Jugoslawien up den Platz un wurr sluutend Europameester.
Sien letzt vun alltohoop soben Lannerspelen for Italien hatt Castano an 29. Marz 1969 bi dat 2:2 gegen de Mannschap vun de
DDR
in Berlin maakt.
- Europameester 1968
- Landsmeester 1959/60, 1960/61 un 1966/67
- Coppa Italia
: 1958/59, 1959/60 un 1964/65
- ↑
Morto Castano, mondo Juve in lutto: se ne va il capitano dello Scudetto ’67