Erik Lesser (2018)
Erik Lesser
(*
17. Mai
1988
in
Suhl
) is en ehmalger duutsch
Biathlet
. He is Biathlon-Weltmeester.
Erik Lesser (Startnummer 1) bi den Start to dat Verfolgungsrennen in' IBU-Cup 2009 in Ridnaun, dat he ebenso as Eenzel un Sprint wunn
Erik Lesser, Enkel vun de Skilangloper
Axel Lesser
, leevt in
Zella-Mehlis
un traineert overweegend in
Oberhof
. Sien Trainer is
Mark Kirchner
, tovor weer dat
Peter Sendel
. Lesser fung mit soss Johren mit den Skilangloop an un wessel 1999 mit elf Johren to'n Biathlon. De Afsolvent vun dat
Sportgymnasium Oberhof
loppt for den
SV Eintracht Frankenhain
. De
Sportsuldat
hett sien eerst internatschonalen Rennen 2006 in' Rahmen vun den Junioren-Europacups in
Obertilliach
bestreeden. In sien tweet Rennen keem he dorbi all gliks unner de best Teihn. Bit 2008 reck he dree Podiumsplatzeeren, wunnen hett he aber kien Junioren-Europacup-Rennen.
2008 is he in
Ruhpolding
bi sien eerst Junioren-Weltmeesterschap antreeden un keem dor in' Eenzel up Rang 7, in' Sprint up Rang 16 un in de Verfolgung up Rang 8. Een Johr later wunn he in
Canmore
de Bronzemedaille in' Eenzelwettebewarf, keem in Sprint un Verfolgung jewiels up Platz 11 un wunn as Startloper gemeensam mit
Simon Schempp
,
Benedikt Doll
un
Florian Graf
Staffelgold. Nah de WM keem Lesser eerstmals in'
IBU-Cup 2008/2009
bi de Senioren to'n Insatz un wunn dor bi dat Saisonfinale glieks sien eerst dree Rennen in
Ridnaun
. In' Sommer wunn he bi de Junioren-Sommer-WM in
Oberhof
up Skirollern de Titel in' Sprint un in der Verfolgung. Bi de
Biathlon-Europameesterschapen 2010
in
Otepaa
wunn Lesser tosommen mit Simon Schempp,
Daniel Bohm
un
Christoph Knie
Gold in de Staffel un Sulver in de Verfolgung. Ok in' Sprint reck he mit Rang 6 un in' Eenzel mit Platz 4 good Ergevnisse.
Bi sien Weltcup-Premiere in
Kontiolahti
an' 12. Marz 2010 belegg Lesser in de duutsch Mixed-Staffel mit
Kati Wilhelm
,
Magdalena Neuner
un Simon Schempp den tweeten Platz. Sien Debut in en Eenzelrennen hett he as 44. in' Sprint afslooten, womit he suck for de Verfolgung qualifizeert harr, de Lesser up den 51. Rang afsluuten dee. An'
Holmenkollen
in
Oslo
wunn he in de Saison 2010/11 as 40. sien eersten Weltcuppunkt un keem in de Verfolgung denn sogor up den 24. Platz. In'
IBU-Cup
wunn he in de Saison dree Rennen. Bi de
Europameesterschapen 2012
in
Osrblie
wunn Lesser as Slussloper mit Daniel Bohm,
Matthias Bischl
un
Johannes Kuhn
weer den Titel in dat Staffelrennen as ok den Titel in' Eenzel un Bronze in dat Verfolgungsrennen. In' Sprint keem he up Platz 11. Wenig later keem he in Kontiolahti weer to Weltcupinsatzen un leep in' Sprint up Rang 23 un in dat Verfolgungsrennen up Platz 22. In den Gesamtweltcup belegg he an dat Enn' vun de Saison Platz 91.
In de Weltcup-Saison 2011/12 stunn he an't Enn up Platz 65, wobi sien best Ergevnis Platz 22 in en Rennen weer.
Bi dat eerst Rennen vun den
Weltcup 2012/13
in
Ostersund
stunn Lesser to'n eersten Mal up dat Weltcup-Siegerpodest. In' Eenzel belegg he in en Rennen ahn Scheetfehler den darten Platz. En darten Platz schaff he denn ok noch mal bi den Massenstart in Oslo, wat hum an't Enn' in den Gesamtweltcup neben anner good Ergevnisse en deelten Platz 15 inbroch.
Bi de
Olympisch Spelen 2014
in
Sotschi
wunn Erik Lesser Sulvermedaillen in' Eenzelwettbewarf (achter
Martin Fourcade
aber vor
Jewgeni Garanitschew
) un mit de duutsch Staffel. An' Slussdag kunn he an' 50-km-Langloop deelnehmen un belegg hier den 42. Platz unner 64 Startern. De Biathlon-Saison 2013/14 hett he up Platz 28 afslooten, wobi he in de Saison eenmal en tweeten Platz recken dee.
Bi den
Weltmeesterschapen 2015
keem Erik Lesser in dat Sprintrennen up Platz 5. In de ansluuten Verfolgung wunn he de Goldmedaille vor
Anton Schipulin
un
Tarjei Bø
. Dat weer to glieker Tiet ok sien eerst Weltcupsieg uberhaupt. Mit den Staffelsieg bi de WM wurr Lesser Duppelweltmeester. An dat Enn vun de Saison leeg he in den Gesamtweltcup up Platz 10 un keem dorto in den Eenzelweltcup up Platz 7 un in den Verfolgungsweltcup up Platz 5.
In de
Saison 2015/16
wunn Lesser in Ruhpolding dat Rennen in' Massenstart un fier sien tweeten Weltcupsieg.
[1]
In de Gesamtwertung belegg he an't Enn den 14. Platz. In den Verfolgungsweltcup leeg he up Platz 9.
Mit de Rennen an'n Holmenkollen hett Erik Lesser an'n 20. Marz 2022 sien aktiv Loopbahn afslooten.
- Sportler vun dat Johr 2015 in Doringen
[2]
- ↑
http://www.t-online.de/sport/wintersport/biathlon/id_76660260/biathlon-weltcup-erik-lesser-feiert-sensationssieg-in-ruhpolding.html
- ↑
Sportler des Jahres: Ball des Thuringer Sports vun ball-des-thueringer-sports.de, afropen an' 15. April 2016