Denise Herrmann (* 20. Dezember 1988 in Schlema ; nah hor Heiraadt in 2022: Herrmann-Wick) is en ehmalge duutsch Biathletin un Skilangloperin . Bi de Biathlon-WM 2019 in Ostersund wurr se Weltmeesterin in de Verfolgung. Herrmann is Sportsuldatin in de Bundswehr-Sportfordergrupp in dat sassisch Frankenberg , leevt in Ruhpolding un traineert an den dortigen Stuttpunkt in de Chiemgau-Arena .

Karriere [ annern | Bornkood annern ]

Skilangloop [ annern | Bornkood annern ]

Anfange [ annern | Bornkood annern ]

Herrmann keem dor hor Vader Lutz , en ehmalgen Handballspeler in de DDR-Boverliga , to’n Skilangloop. Mit acht Johren nehm se eerstmals an Wettkampen deel, veer Johr later wessel se up dat Skigymnasium in dat 35 Kilometer van den Heimatoort Bockau entfernt Oberwiesenthal , wo se all siet Anfang van hor Loopbahn bi den WSC Erzgebirge traineeren dee. Af 2004 nehm se an internatschonalen Juniorenrennen deel. 2007 nehm se all an Junioren-Weltmeesterschapen deel un wunn in’n Klassiksprint de Bronzemedaille achter Astrid Jacobsen un Charlotte Kalla .

Dopingsparr un eerste Weltcupinsatze [ annern | Bornkood annern ]

In‘n November 2007 wurr van den Duutsch Skiverband (DSV) for een Johr spaart, wiel se nah de Innahm van en Hostensaft positiv up Clenbuterol test wurrn weer un dormit gegen de Dopingrichtlien verstott harr. ^[1] Nah de Sparr nehm se in’n Harvst 2008 weer an internatschonalen Wettkampen deel, bi de se suck wiederhen spoodriek dorstellen kunn un dorher in’n Februar 2009 eerstmals in’n Weltcup keem. In dat italieensch Valdidentro keem se up den 37. Platz bi 64 Deelnehmer. In de Folgesaison wurr se mehr in den Weltcup insett un hett ok eerste Weltcuppunkte sammelt.

Glieks to Anfang van de Saison 2010/11 gelungen Herrmann wiedere Erfolge: Tonachst truck se bi den Heimweltcup in Dusseldorp to’n eersten Mal in dat Halffinale van en Sprint in, wo se woll dor en Stort utscheeden is, aber liekers Rang 12 beleggen dee. Bi de Uptakt van de Tour de Ski : Dor keem se in den Prolog as best Duutsche up Platz 7 un leet dorbi unner annern de mehrmalige Weltcupsiegerin Petra Majdi? un de amteeren Sprintweltmeesterin Arianna Follis achter suck.

Eerste Podiumsplatzeerungen un Olympiadeelnahm [ annern | Bornkood annern ]

Hor eersten Podestplatz in’n Weltcup kunn Denise Herrmann in de Saison 2012/13 an‘n 7. Dezember bi den Teamsprint mit Hanna Kolb in Quebec recken. Hor bit dorhen best Eenzelresultat in‘n Langloop-Weltcup reck se an’n 15. Dezember 2012 bi den Sprint in Canmore , bi den se up den veerten Platz keem. In de Gesamtwertung van den Weltcup keem se an’n Enn’n up den 13. Rang.

To’n Anfang van de Saison 2013/14 reck se mit den darten Platz in’n Sprint in Davos un in‘n Teamsprint in Asiago twee wiedere Podest-Platzeeren. Dat sulvige gelung hor ok bi de Sprintrennen in Szklarska Por?ba un Toblach . Bi hor eerst Olympiadeelnahm 2014 in Sotschi keem se in’n Sprint up den 8. Platz un gemeensam mit Stefanie Bohler in’n Teamsprint up Platz 4. Mit de Staffel wunn se denn aber de Bronzemedaille. Dorfor kreegen de beid 2014 vun den Bundsprasidenten Joachim Gauck dat Sulvern Loorbeerblatt verleeht. ^[2] De Saison hett se mit den negenten Platz in de Weltcupgesamtwertung un de tweeten Platz in de Sprintwertung afslooten.

In de folgend Saison keem se bi de Nordisch Skiweltmeesterschapen 2015 in Falun in’n Sprint up Platz 17, mit de Staffel up Platz 6 un gemeensam mit Nicole Fessel in’n Teamsprint up den veerten Platz. In de Gesamtwertung van Weltcup beleeg se Platz 9. In’n Marz 2015 wurr se duutsch Meesterin in dat 30 km klassische Massenstartrennen. In de Saison 2015/16 weer hor best Weltcupeenzelergevnis Platz 6 in’n Sprint in Toblach . An dat Saisonenn’n belegg se den 23. Platz in’n Gesamtweltcup un den 12. Platz in’n Sprintweltcup.

Enn’n Marz 2019 wurr se bi de duutsch Skilangloopmeesterschapen in Reit im Winkl tosommen mit hor Suster Nadine Herrmann Tweet in’n Teamsprint. ^[3]

Biathlon [ annern | Bornkood annern ]

Enn’n April 2016 geev Herrmann bekannt, dat se to de Saison 2016/17 to’n Biathlon wesseln dee. Siet den 1. Mai 2016 hett se in Ruhpolding for de nee Disziplin traineert.

Hor eerst internatschonal Rennen, den Sprint in‘n Rahmen van den IBU-Cup in dat norweegsch Beitostølen , wunn see. Bi windig Verhaltnissen kunn se hor Starken in’t Loopen good bruuken un reck trotz soss Scheetfehlern den eersten Platz. Twee Daag later stunn se ? weer in en Sprint ? as Dart weer up dat Podium. In Ridnaun is se blots in de Mixed-Staffel antreeden un reck gemeensam mit Nadine Horchler , Lukas Rombach un Matthias Bischl den 3. Platz.

An’n 9. Dezember 2016 geev se hor de Debut bi den Sprint in Pokljuka in‘n Biathlon-Weltcup un reck mit twee Scheetfehlern un en goot Loopleistung Platz 18, bi de ansluutend Verfolgung keem se up Platz 21.

Nah den Weltmeesterschaen wurr se ? nahdem se tuschendor in’n IBU-Cup insett weer un Miriam Gossner un Franziska Preuß krankheitsbedingt vor de Tiet de Saison afslooten harrn ? weer in de Weltcupmannschap upnommen. In Pyeongchang is se nah Platz 25 in‘n Sprint un Platz 33 in de Verfolgung gemeensam mit Nadine Horchler, Maren Hammerschmidt un Franziska Hildebrand in hor eerst Staffelrennen in‘n Weltcup antreeden. Nah en fehlerfree Liggendscheeten muss Herrmann nah dat Stahndscheeten aber een Straafrunn loopen un overgeev mit en minn Ruckstand up Slussloperin Hildebrand, an’n Enn’n wunn de duutsch Mannschap dat Rennen un Denise Herrmann dormit hor eerst Rennen in’n Biathlon-Weltcup. An dat Enn’n van de Saison belegg se in’n Gesamtweltcaup Platz 49.

Hor eersten Eenzelsieg in’n Biathlon-Weltcup kunn Herrmann an’n 1. Dezember 2017 bi dat Sprintrennen in Ostersund (vor Justine Braisaz un Julija Dschyma ) fiern. ^[4] Twee Daag later wunn se ok dat doran ansluutend Verfolgungsrennen (vor Braisaz und Marte Olsbu ). Dat weern aber hor eenzig Eenzelsiege in disse Saison, ofschons se noch mehrer Top-Teihn-Platzeeren schafft hett. An dat Enn’n van de Saison belegg se in den Gesamtweltcup Platz 12 un in den Verfolgungsweltcup Platz 7. Bi de Olympisch Spelen reck se in de Verfolgung Platz 6 un bleev ahn Medaille.

De Saison 2018/19 fung beddudend schlechter an as in dat Vorjohr. Eerst bi de veert Statschoon in Oberhof keem se in de Verfolgung mal unner de best Teihn (nah Platz 36 in’n Sprint). Denn aber stabiliseer suck dat un in Midway keem se in’n Sprint up Platz 2 un wunn ansluutend de Verfolgung (vor Franziska Hildebrand un Kaisa Makarainen ). De nachst Statschoon weern denn de Weltmeesterschapen 2019 in Ostersund . In de Mixed-Staffel mit Vanessa Hinz , Arnd Peiffer un Benedikt Doll wunn se dorbi mit Sulver de eerste Medaille bi en Groot-Ereignis. In’n Sprint keem se up den 6. Platz, wurr aber in de dorup folgend Verfolgung Weltmeesterin (vor Tiril Eckhoff un Laura Dahlmeier ). Mit de Staffel un de Single-Mixed-Staffel wurr se jewiels Veert. In dat Massenstartrennen wunn se aber to’n Afsluss noch de Bronzemedaille (achter Dorothea Wierer un Jekaterina Jurlowa-Percht ). In den Gesamtweltcup keem Denise Herrmann an’t Enn’n vun de Saison up den 8. Rang, in den Verfolgungsweltcup up Rang 6 un in’n Massenstartweltcup up Rang 9.

De nee Saison fung recht goot an mit en Platz 6 in’n Sprint van Ostersund. Up de tweet Statschoon in Hochfilzen leep dat dorgegen overhoopt nich un in Sprint un Verfolgung keem se blots jewiels up den 41. Platz. De restlich Platzeeren van dat Johr weern dornah immer unner de best 20, wobi se sogor 3 Weltcupsiege halen kunn. Bi de Weltmeesterschapen 2020 in dat italieensch Antholz reck Herrmann Platz veer mit de Mixed-Staffel un Platz funf in’n Sprint. Se wunn aber in de Verfolgung de Sulvermedaille (achter Dorothea Wierer, vor Marte Olsbu Røiseland) un mit de Staffel an de Siet van Karolin Horchler, Vanessa Hinz un Franziska Preuß nochmals Sulver.

In den Gesamtweltcup keem se an’t Enn‘ up den darten Platz, den Platz, den se ok in’n Eenzelweltcup recken dee. Dorto keem noch Rang 5 in den Verfolgungsweltcup und Rang 6 in den Massenstartweltcup.

In de Saison 2020/21 fung se glieks mit en tweeten Platz in’t Eenzel in Kontiolahti an, keem in’n Sprint aber blots up Platz 38. De nachst Weekenenn’n, weer in Kontiolahti, gung mit Platz 5 in’n Sprint und Platz 11 in de Verfolgung ok recht goot. In Hochfilzen keem se noch tweemal unner de best Teihn. Insgesamt leep de Saison aber schleepend. Scheeten weer all mal beter aber vor allem gung dat Loopen, wat eegentlich hor Starke weer, lang Tiet nicht to goot for hor Ansrook, ahn dat se groot affaallen dee. Se keem allerdings passen to de Weltmeesterschapen in Pokljuka weer in Schwung. In’n Sprint verpass se up Platz 4 man knapp en Medaille, de se denn ok in de Verfolgung (Rang 8) nich halen kunn. In’t Eenzel keem se up Platz 15 un up den Massenstart hett se verzicht. De WM leep for de Duutschen insgesamt nich goot. Een Medaille bi de Mannluud un een bi de Fruen, un de wunn Denise Herrmann gemeensam mit Vanessa Hinz, Janina Hettich un Franziska Preuß in de Staffel mit de Sulvermedaille. Nah de Weltmeesterschap keem se in Nove M?sto in’n Sprint up den 10. Platz un reck in de Verfolgung denn sogor den tweeten Platz (achter Tril Eckhoff), womit se suck in de Gesamtwertung van den Weltcup weer unner de best Teihn schuuven dee. Ok een Week later, weer in Nove M?sto, keem Denise Herrmann in’n Sprint nah en fehlerfree Scheeten (eerstmals in de Saison) up den 2. Platz (weer achter Eckhoff, aber vor Dorothea Wierer un Franziska Preuß). Den Platz kunn se in de ansluutend Verfolgung mit Platz 10 aber nich hollen. Nahdem bi de letzte Statschoon in Ostersund for hor kien herutragend Ergevnisse mehr tostannen keemen, bleev se an’t Enn’n up den 10. Platz in de Weltcup-Gesamtwertung. In’n Eenzelweltcup keem se up Platz 6 und in Sprint- und Verfolgungsweltcup reck dat jewiels for den negenten Rang.

Utteknungen [ annern | Bornkood annern ]

• 2014: Sulvern Loorbeerblatt
• 2014: Ehrenkruuz van de Bundswehr in Gold (gemeensam mit Eric Frenzel ). ^[5]
• 2020: Landessportler van dat Johr in Sassen. ^[6]

Privates [ annern | Bornkood annern ]

Denise Herrmann leevt in Ruhpolding un is mit den ehmaligen Skilangloper Thomas Wick tosommen. Hor Suster Nadine is ok Skilangloperin.

Weblinks [ annern | Bornkood annern ]

Denise Herrmann-Wick . Mehr Biller, Videos oder Audiodateien to’t Thema gifft dat bi Wikimedia Commons .

• Denise Herrmann in de Datenbank van de IBU (engelsch)
• Denise Herrmann in de Datenbank van de FIS (engelsch)
• Denise Herrmann in de Datenbank van Olympedia.org (engelsch)

Enkeld Nahwiesen [ annern | Bornkood annern ]

1. ↑ Portrat Denise Herrmann up xc-ski.de, afropen an’n 1. Marz 2021
2. ↑ Verleihung des Silbernen Lorbeerblattes. Der Bundesprasident , 5. Mai 2014, afropen an’n 15. Marz 2020 .  
3. ↑ Ergebnis DM 2019 Teamsprint (PDF) up xc-ski.de, afropen an'n 1. April 2019
4. ↑ Fruhere Langlauferin gewinnt Biathlon-Weltcup . FAZ Online (1. Dezember 2017). Afropen an’n 1. Dezember 2017.
5. ↑ Facebook-Prasenz des Landeskommandos Sachsen, afropen an’n 23. Oktober 2014
6. ↑ Sachsische Sportkronen vergeben. Landessportbund Sachsen , afropen an’n 11. Januar 2020 .