Uut Wikipedia, de vrye encyklopedy
Leonard Norman Cohen
(
Westmount
,
Canada
, 21 september 1934 ?
Los Angeles
,
Verienigde Staoten
, 7 november 2016) was een Canadese dichter, romanschriever en zanger-tekstschriever. Zien wark begef hum vake op 't sniedpunt van erotiek en religie.
Cohen kwaamp uut een gegoed nost van Engelstalige
Jeuden
in
Montreal
. As jongkerel had e succes mit wat vrogge dichtbundels, veurdet e mit een schrieversbeurs van de Canadese aoverheid naor
Londen
trok, en kort daorop naor 't
Griekse
eilaand
Hydra
, um an romans te warken. 't Miest van de jaoren zestig bracht e deur in 't
boheemse
internationale milieu van Hydra.
In 1967 lanceerde Cohen in de Verienigde Staoten een carriere as zanger-tekstschriever. Zien vrogge platen wolden best lopen; 't nummer 'Suzanne' van zien debuutplaat
Songs of Leonard Cohen
(1967) sleug slim an. Nao een dip in de jaoren zeuventig en tachtig, waorin e wal albums bleef uutbrengen, kreeg 't pebliek hum weer in de reken deur 't album
I'm Your Man
(1988). Waor hij humzolf in zien eerdere meziek op de akoestische gitaar begeleidde, kreeg zien wark now meer
synthesizer
-invloeden. Vrouwelijke achtergrondzaank bleef wal kenmarkend.
In de ienentwintigste ieuw, naodet hum zien manager besteulen had, mus Cohen vanneis op tournee um de kasse te spekken. Daordeur, en deur 't succes van zien lied 'Hallelujah' nao een
cover
deur
Jeff Buckley
, wordden een neie ginneratie drok op zien meziek. Een hiele riege internationale eerbewiezen en priezen volt hum ten diel.
Cohen is nooit getrouwd ewest; uut zien relatie mit Suzanne Elrod wordden een jonge en een maagien geboren, Adam en Lorca. Cohen stund derumme bekend det e 't mit talloze vrouwlu anlegde, al had e meerdere langdurige relaties, zoas op Hydra mit Marianne Ihlen. Zien eigen liefdesleven was hieltied een thema in zien wark.
Cohen had anleg veur zwartkiekerije en zat in de jaoren negentig in een
zenboeddhistisch
klooster in Los Angeles um kalmte te zuken. Mit de zenleraar daor, Kyozan Joshu Sasaki ('Roshi'), was e kammeraoden.