Александр Сергеевич Кадоркин ( 1938 аштемковонь 26 чистэ Отяжбуень Козловка велесэ ? 1993 ожоковонь 5 чи ) ? эрзянь кельсэ содавикс сёрмадей, валморонь ладсий.

Чачсь сон 1938 иестэ, аштемковонь 26 чистэ ^[1] Отяжбуень Козловка велесэ ^[2] . Армиясо служамодо мейле прядсь Н.П.Огарев лемсэ МГУ-нь историко-филологической факультет. Важодсь Чамзинкань ды Ицялонь буетнева школань директорокс ды тонавтыцякс. 1978 иестэ саезь меельце чизэнзэ тонавтсь эйкакшт Тюменской ёнкссонь Сургут буень Куть-Ях эрямо таркасонть (директорокс 1979 иень умарьковонь 28-це чистэ саезь 1985 иень даволковонь 1-це чис ^[3] ).

А.С. Кадоркинэнь талантось, ламонь содамонь бажамось келейгавтсь шкинеманзо ? сон сёрмадсь валморот , поэмат, ёвтнемат , повестть. Лириказо ойместокиця, образной, метафоричной, шождасто ловновиця. Сон маштсь невтеме сень, мезенть ламот эзть нее, эзть маря.

Шкинеманзо [ витнемс | витнемс лисьмапрянть ]

Сонзэ произведениятне совасть хрестоматияс, учебникс. Стихензэ содасызь эйкакшонь пес. Мордкизсэ лиссть стихень,ёвтнемань ды повестень книганзо, конат алтазь вишкинетнень туртов:

• ≪Мика≫ (1969)
• ≪Ки лангсо≫ (1971)
• ≪Эрясь-аштесь овто≫ (1973)
• ≪Садо миненек праздникс≫ (1983)
• ≪Латко чиресэ кудыне≫ (1975)
• ≪Кизна Дубровкасо≫ (1979)
• ≪Терди чачома мастором≫ (1987)
• ≪А сёпсынь арсемам ды мелем≫ (1993) вейсэнь книгас совавтозь стихензэ ды поэмазо.
• ПИЧЕТЬ . ТОЛБАНДЯТ : СТИХТЬ / А.С. КАДОРКИН, Н.Ф. МОКШИН. - САРАНСК : МОРДОВ. КН. ИЗД-ВАСЬ, 1996. - 30 С.: ИЛ. - ISBN 5-7595-1133-5  : 700.00 СОСНЫ; КОСТРЫ. - НА МОРДОВ.-ЭРЗЯ ЯЗ. КНИГА-ПЕРЕВЕРТЫШ

Ансяк истя лиссь - ламо творческой арсеманзо кадовсть апак прядо: 1993 иень ожоковонь 5 чистэ стака сэредемадо мейле лоткась чавомодо седеезэ .

Лисьмапрят [ витнемс лисьмапрянть ]