Dit artikel is gesjreve (of begos) in 't Minsters . Laes hie wie v'r mit de versjillende saorte Limburgs omgaon.

Wilnioes es de haudstad van 't laand Litouwe . De stad het rond de 529.022 enwoeeners op 't oppervlaakte van 401 km². De stad lik op 112 m boeeve zeiniveau aon de twei reviere de Vilnel? en de Neris .

De stad wied ver 't ies van gehoort en de twelfde eiw en gruit al snel aut as e cultureel en wetesjappelik centrum ver de gaanse regio. Heider trek de stad al gaw vel immigrante aon, wie Paule, Rosse, Jaude en Duitsers. Taege 't end van de niegeteinde eiw besteet de bevolkeng ver 40% aut Jaude. Waaj Litouwe en 1918 zen onaofhankelikheid autriep, blaajf Wilnioes taugeweze aon dat laand. Paule bezat evvel al snel de stad en 't gebied rondum, wauder Kaunas de taajdelike haudstad wied. En 1939 wied de stad bezat der 't Raude Leger van de Sowjetunie. De stad wied doenoe ievergedraoge aon Litouwe, mer de Sowjetunie bleef zen mach vergraute en autendelik wied 't gaanse laand 'n onderdeel van de Sowjetunie. En 1941 wied Wilnioes vervolges verieverd der 't nazistisch Duitslaand . En de joere die volgde wied bekaans de gaanse Jaudse bevolkeng autgemoeerd. Wilnioes wied en 1944 bevraajd.

Wilnioes zen historische bennestad lik aon de linkse kaant van de Neris en woeed gekenmerk der de bouwstaajl de Barok . Bekende gebouwe zin de Kathedraol van Wilnioes, de Gediminastoeere en de Televisietoeere van Wilnioes.

Vaol bekinde Litouwers zien in Vilnius gebore. Ouch d'n allewijle premier vaan Litouwe, Ingrida ?imonyt? , in 1974 .