Dit artikel is gesjreve (of begos) in 't Mestreechs . Laes hie wie v'r mit de versjillende saorte Limburgs omgaon.

Tsjecho-Slowakije , ouch wel gesjreve es Tsjechoslowakije ( Tsjechisch en Slowaaks : ?esko-Slovensko of ?eskoslovensko ) waor 'ne staot in Midde - Europa dee 't groetste deil vaan d'n twintegsten iew bestande heet. Hoofstad vaan 't land waor Praag . 't Woort in oktober 1918 gevormp oet deile vaan de oetereinvallende Donaumonarchie (Oosteriek-Hongarije), en wel oet de provincies Boheme , Moravie en 't noordelek ( Slavisch sprekend ) deil vaan Hongarije . De bulk vaan de bevolking waore Tsjeche en Slowake , twie (zeker taolkundeg) ing verwante Slavische volker , meh op de groond vaan de nui rippubliek leefde versjellende minderhede, oonder mie Duitsers , Hongare en Roethene . Aon 't bestoon vaan 't land kaom in 1938 'n ind, wie nazi- Duitsland 't binneveel. Sudeteland , de boeteste sjel met veural etnische Duitsers, woort bij 't Duits Riek geveug, de res vaan Tsjechie woort 'ne vazalstaot oonder de naom Protectoraot Boheme-Moravie en Slowakije woort 'n oonaofhenkeleke rippubliek.

Nao d'n Twiede Wereldoorlog woort Tsjecho-Slowakije hersteld, meh de oospunt mos 't aofstoon aon de Sovjetrippubliek Oekraine , umtot dao Roethene woene, die hun taol es 'n Oekraiens dialek woort gezien. Waor 't iers nog 'n democratie, in 1948 brachte de Russe ouch hei e communistisch bewind aon de mach. Wie in 1968 de regering 't bewind get liberaliseerde ( Praags Vreugjaor ), veel de Sovjet-Unie 't land binne um de communistische orde te herstelle. Dissindente bleve evels actief. In 1989 veel ouch hei 't communisme, en woort de jaorelangen dissident Vaclav Havel de nuie president. 't Land veel evels al gaw oeterein oonder spanninge tosse Tsjeche en Slowake: op 1 jannewarie 1993 splistde ziech 't land in de twie aofzunderleke rippublieke Tsjechie en Slowakije .

   Dit artikel is e sjtumpke. De kans Wikipedia helpe door 't aan te volle