Dit artikel is gesjreve (of begos) in 't Mestreechs . Laes hie wie v'r mit de versjillende saorte Limburgs omgaon.

Simon Vestdijk ( Harlingen , 17 oktober 1898 - Utrech , 23 miert 1971 ) waor 'ne Nederlandse romansjriever . Heer werkde in 't begin es dokter, meh gaof in 1932 zie werk op um ziech gans aon de literatuur te wije. Vaanaof daan woort heer eine vaan de mies geleefde en productiefste sjrievers vaan Nederland, met deks miejer romans per jaor. Heer werkde in 't gemein ouch aon diverse romans doorein: ei book kos 'm oondaanks zien hoeg productie jaore koste. Nao 'n oonderbreking door d'n Twiede Wereldoorlog gong heer dao gewoen met wijer. Neve romans sjreef Vestdijk ouch verhaole en poezie. In de jaore viefteg kaom heer op de top vaan zien carrier, meh daonao kaom heer sterk in concurrentie met de nui generatie sjrievers. Bij zienen doed in 1971 waor zie werk sterk oet de mode; e perces wat daonao doorgong. Vaol vaan zien beuk gonge vaan d'n drokpeers, al woorte sommege oongepubliceerde werke en fragminte ouch postuum oetgegeve. Allewijl is heer nog veural bekind um ziene roman De koperen tuin en um d'n Anton Wachter-cyclus .

   Dit artikel is e sjtumpke. De kans Wikipedia helpe door 't aan te volle