Dit artikel is gesjreve (of begos) in 't
Valkebergs
. Laes
hie
wie v'r mit de versjillende saorte Limburgs omgaon.
't
Limburgs Dagblad
ies 'n
gezet
die versjient in
Nederlands Limburg
. De gezet besjteit saer
26 oktober
1918
es opvolger van de
Nieuwe Limburger courier
. 't Limburgs dagblad neumde zich toen 'n
katholiek
dagblaad veur de miensjtreek.
In 1936 woort door 't Limburgs dagblad 't provinciaal nuujsblaad,
De Limburger
dat in 1921 veur 't iersj van de peersj rolde in
Zittert
euvergenomme.
In 1946 ginge de drie Limburgse gezetter: 't Limburgs Dagblad, De
Maas- en Roerbode
(
Remung
) en 't
Dagblad van Noord-Limburg
(
Venlo
) 'n redactioneel samewerkingsverbond aan onder de naam
Limburgia pers
.
Vanaaf 1972 waor ze 'n onderdeil van 't
Telegraafconcern
. 't Limburgs Dagblad vormp same met
Dagblad de Limburger
saer 2001 de
Mediagroep Limburg
. De Telegraaf haet in 2006 de Mediagroep Limburg verkoch aan de
Britse
investeringsmaatsjappie
Mecom
. De gezetter maoge van de
Nederlandse Mededingingsautoriteit
neet fusere.
In 2004 houw de gezet 'n oplaag van 62.382 exemplare. De hoofredactie van 't Limburgs Dagblad ies gevestig in
Zittert
. 't Limburgs Dagblad versjient in versjillende edities veur Noord-Limburg, Miedde-Limburg, de
Westelike Miensjtreek
,
Parksjtad Limburg
en Mestreech-Heuvelland.
In vreuger jaore woort 't Limburgs Dagblad in de volksmond
de gezet van
Heerle
geneump en Dagblad de Limburger waor
de gezet van
Mesjtreech
. Zoa ies ouch dudelik woa de meiste abonnees van dees 2 gezetter woonde.
De veurluiper van 't Limburgs Dagblad waor
De Limburger Courier
. 't Iersjte nummer van dees gezet versjeen op
3 april
1847
. Tot 1870 woort 't nuujs bekans gans in 't
Duutsj
gebrach.
In 1901 verhuusde de gezet nao Mestreech um vanaaf dan in gans Limburg te versjiene. 'n Jaor later (1902) kaom in Heerle (es nuuj gezet) um de twie daag
De nieuwe Limburger koerier
oet.
In 1947 woort 't De Limburger koerier verbao um te versjiene, vanwege collaboratie in de
oorlog
.
20 Jaor lank maog gein blaad versjiene onder de naam De Limburger koerier.