Dit artikel is gesjreve (of begos) in 't
Gelaens
. Laes
hie
wie v'r mit de versjillende saorte Limburgs omgaon.
Guido Gortzen
(
Heerle
,
9 november
1970
) is 'ne veurmalige
Nederlandse
volleybalinternational
.
Gortzen beheuert tot de gouwe generatie die in 1996
Olympisch kampioen
woort in
Atlanta
.
Hae deeg driemaol mit aan de
Olympische Sjpele
. De eesjte Sjpele wo-aan Gortzen deilnom waas in 1996 in
Atlanta
wo hae met 't Nederlands team goud veroverde door
Italie
in de finale met 3-2 te versjlaon. In 2000 woort hae biej de Sjpele in
Sydney
met 't Nederlands team viefde en veer jaor later waas hae lid van 't Nederlands team dat op de Sjpele van
Athene
ex aequo neugende woort.
In 1997 behaolde hae met 't Nederlandse team ’t de Europese titel.
De kwalificatie veur de Sjpele van 2008 in
Beijing
woort net gemis. In 't Olympisch kwalificatietoernooi in Turkije woort Nederland veur plaatsing oetgesjakeld door Servie. Dit waas metein de letste interland van Gortzen.
Gortzen sjpeelde 425 wedsjtrieje veur Oranje.
Naeve zien wedsjtrieje veur Oranje sjpeelde hae elf jaor veur Italiaanse topclubs es Montechiari, Modena en Perugia en tosjedoor veur ’t Japanse Osaka. Daonao gong hae veur vol geldj sjpele veur 't Russische Iskra Volley oet
Odintsovo
. Daonao keerde hae in 2006 trok nao Nederland en sjpeelde hae veur
Nesselande
met es groate doel om biej de Oranje- en Nesselande-coach
Peter Blange
in beeld te komme veur Oranje, dat zich wouw kwalificere veur Beijing. Geliektiedig heel hae zich aevel bezig met ein besjtaon es zaakwaornummer van diverse sjpelers van Nesselande, get wat gein goodkoring van coach Peter Blange koosj hobbe. Hiejdoor moosj hae nao ein jaor al veurtiedig aafsjeid numme biej Nesselande. Hae gong vervolges in 2007 in de Duutsje Bundesliga sjpele biej
Moerser SC
, womit hae 'n veerde plaatsj behaolde. Hiej sjloot hae, nao de oetsjakeling van 't Nederlandse team veur Beijing, zien carriere es professioneel volleyballer aaf.
Allewiel haet hae 'n bedrief in sjportmanagement dat gesjpecialiseerd is in begeleiding van sjporters.
