Dit artikel is gesjreve (of begos) in 't
Valkebergs
. Laes
hie
wie v'r mit de versjillende saorte Limburgs omgaon.
Alois Lemmerling
waor ´ne sjriever euver volkscultureel en natuuronderwerpe. Hae is gebore op
2 juli
1919
in
Cadier en Keer
en gesjtorve op
2 oktober
2003
in
Valkeberg
. Hae deeg 'n sjtudie in de landboew, fruitteelt en
tuinarchitectuur
en haolde in 1947 't diploma tuinboewvakonderwiezer.
Hae waor vanaaf 1954 in deens van de Gemeinte
Valkeberg aan de Geul
es hoof van de plantsoenedeens.
Es besjtuurslid en adviseur van ´t
I.V.N.
waor hae in 1974 de ontwerper en grondlegker van de heemtuin
Sjloensheim
(noe kesjtieltuin) bie
kesjtiel Sjaloen
in
Oud-Valkeberg
. Ouch goof hae de lesse aan de heemtuingidse.
Wiejer heel ´r lezinge met dia´s euver volkscultuur en natuur.
- De 10 deilige reeks
Oet vreuger jaore
. In de jaore tachtig van de 20e iew sjreef hae dees reeks, euver ´t volksleve en de volkscultuur in en um ´t
mergelland
. De deile zint door haom zelf geillustreerd. De ouw foto´s haet ´r verzameld en bie de artikele aafgedrok. Gezekdes, typische weurd en oetdrokkinge sjtoon in ´t
plat
.
- Biedrages in 't sjtandaardwerk:
Ontdek het mergelland
1978
- Metwerker aan t weekblaad, '
t Gezetsje
, in Valkeberg
- Metwerker aan 't fotobook
Sjin op Geul
in ouw anziechte
1985
- Sjriever in de
Natuurgids
, 't kontakblaad van 't
I.V.N.
in
Nederlands Limburg
- Biedrages in 't magazine
Geulrand
, oetgegeve in en um
Valkeberg