Jacob Israel de Haan
(Smilde, la 31ma di decembro 1881 ?
Ierusalem
, la 30ma di junio 1924) esis
Nederlandana
skriptisto, poeto, publikisto, yuro-ciencisto ed (anti)
cionisto
. En 1919 il migris a
Palestina
. Ibe il ocidesis la 30ma di junio 1924 da
Avraham Tehomi
, per teroratento da la Juda mi-armeal organizuro
Hagana
.
Il esis la fratulo di skriptisto
Carry van Bruggen
(Carolina Lea de Haan) qua naskis en la sama yaro. To pensigis ofte ke li esis jemelo, ma Carry naskis l'1ma di januaro 1881.
Ilua maxim konocata verko esas
Pijpelijntjes
(1904, 'lineeti de la Pijp'), novelo pri homeosexuala relato en l'Amsterdamana quartero
De Pijp
. La libro produktis tumulto e skandalo. De Haan, lore redaktisto di la pagino por infanti di socialistala jurnalo
Het Volk
(la Populo) esis desemployata pos publikigo di
Pijpelijntjes
.
En 1912 De Haan voyajis a
Rusia
, ube il vizitis
karceri
e deskriptis la situeso di politikal enkarcerigiti. Il publikigis pri to en
In Russische Gevangenissen
(1913, 'En Rusa karceri'). Retroe en Nederlando il fondis komitato por kolektar signaturi por incitar
Francia
ed
Anglia
, la federiti di Rusia, a protesto kontre Rusia. Ta aktivesi igis Jacob Israel de Haan pre-versiono di
Amnestio Internaciona
, segun artiklo en
Wordt Vervolgd
, ofical organo di Amnestio Internaciona.
[1]
Por la jurnalo Handelsblad De Haan skribis dial artikli pri sua vivo en Palestina. De Haan iris a Palestina kom cionisto, ma divenis religioz en Palestina. Il havis bona relati, amiki, kun Palestinani, statestri e tribuestri. Il skribis la libro
Palestina
(1925) pri sua voyajo tra la lando.
- ↑
Wordt Vervolgd (Amnesty International, Nederland), maart 1987