Nolwenn Leroy
sjonger en/of muzikant
persoanlike bysunderheden
echte namme	Nolwenn Le Magueresse
nasjonaliteit	Fransk
berne	28 septimber 1982
berteplak	Saint-Renan ( Bretanje )
etnisiteit	Bretonsk
wurkpaad
sjenre	pop , folksmuzyk , Keltysk
sjongtaal	Fransk , Bretonsk , Ingelsk , Iersk
ynstrumint	stim , fioele , piano
grutste hit(s)	Casse Nolwenn Ohwo!
jierren aktyf	2002 ? no
offisjele webside
nolwennleroy.artiste.universalmusic.fr

Nolwenn Leroy ( Franske utspr. : [nol?w?n l???wa], likernoch: "nol- uen luh- chwa "; echte namme : Nolwenn Le Magueresse ; Saint-Renan , 28 septimber 1982 ) is in Fransk sjongster , muzikante , lietsjeskriuwster en stimaktrise fan etnysk Bretonsk komof . Hoewol't se oarspronklik in oplieding yn 'e klassike muzyk folge, waard se bekend as sjongster fan popmuzyk yn it twadde seizoen fan 'e Franske talintejacht op 'e tillefyzje Star Academy . Sunt skoarde se twa numer 1- hits en brocht se acht studio-albums ut (teljier 2023 ). Har album Bretonne , ut 2012 , waard sertifisearre as twaris diamant . Leroy sjongt sawol yn har memmetaal , it Bretonsk , as yn it Fransk , it Ingelsk en ut en troch yn oare talen , lykas it Iersk . Yn 2015 parte Le Journal du Dimanche har it santjinde plak ta op 'e ranglist fan populerste bekende persoanen yn Frankryk.

Libben en karriere [ bewurkje seksje | boarne bewurkje ]

Jonkheid en oplieding [ bewurkje seksje | boarne bewurkje ]

Leroy waard yn 1982 as Nolwenn Le Magueresse berne yn Saint-Renan , yn it Franske departemint Finistere , oan 'e utein fan it skiereilan Bretanje . Hja is de dochter fan proffuotballer Jean-Luc Le Magueresse en dy syn frou Muriel Leroy. Om har heite karriere te skewielen, ferfearen har alden yn 1986 ut Bretanje wei en namen de lytse Nolwenn mei. Nei't se yn Parys , Risel en Guingamp wenne hiene, sette har mem har uteinlik mei Nolwenn en dy har suster Kay nei wenjen yn Saint-Yorre , yn sintraal Frankryk, der't se by pake en beppe Leroy ynloeken. Yn 1993 skieden Nolwenn har alden.

Leroy genoat underwiis oan it College des Celestins yn Vichy . Doe't se alve jier wie, murk har muzyklearaar har talint op en fitere har oan om fioelles te nimmen. Mei trettjin jier wun Leroy yn 1995 Les ecoles du desert ("De Skoallen fan 'e Woastyn"), in muzikale kompetysje dy't sponsore waard troch de supermerkkeatling Cora . Dat stelde har by steat om mei te gean op in humanitere misje nei Maly , der't se u.m. Gao en Timboektoe besocht. Letter soe se sizze dat dy reis in djippe yndruk op har makke hie.

Yn july 1998 , doe't se sechstjin jier wie, wun Leroy in studzjebeurs fan 'e Rotaryklub fan Vichy om in jier as utwikselingsstudinte nei Hamilton , yn 'e Kanadeeske provinsje Ontario , te gean. Under har ferbliuw dere learde se harsels floeiend Ingelsk te sprekken. Nei't se weromkeard wie yn Frankryk begun Leroy mei it folgjen fan lessen yn klassike sjongkeunst oan it konservatoarium fan Vichy. Yn 2001 sette se dernjonken utein mei in studzje rjochten oan 'e Universiteit fan Clermont-Ferrand yn Clermond-Ferrand , om wat te hawwen om op werom te fallen as it neat wurde soe mei har muzikale karriere .

Karriere [ bewurkje seksje | boarne bewurkje ]

Yn 2001 seach Leroy it earste seizoen fan 'e talintejacht Star Academy op 'e Franske tillefyzjestjoerder TF1 . Hja rekke under de yndruk fan ien fan 'e sjueryleden , de sjonglearaar Armande Altai , en besleat om in healjier yn Parys sjonglessen by syn skoalle te folgjen. Fia dy konneksje waard Leroy yn 2002 selektearre foar it twadde seizoen fan it tillefyzjeprogramma . Tagelyk krige se de rol fan Scarlett O'Hara oanbean yn 'e nije musical Autant en emporte le vent (de Fransktalige ferzje fan Gone with the Wind ), mar se besleat te kiezen foar de talintejacht. Sadwaande bejoech se har ein augustus 2002 nei it kastiel Dammarie-les-Lys , der't it programma opnommen waard. Se besleat de famkesnamme fan har mem, Leroy, as artystenamme oan te nimmen. Op it kastiel folge se de folgjende fjouwer moannen foar de kamera's aktear -, duns - en sjonglessen. Yn 'e finale op 21 desimber fersloech se Houcine Camara en wun se de kompetysje.

No't se bekend wurden wie, brocht Leroy yn maart 2003 har earste album mei popmuzyk ut, dat se nei harsels Nolwenn neamde. Tsjin novimber wie dat sertifisearre as in platina plaat . Yn 2006 , doe't der mear as 600.000 eksimplaren fan ferkocht wiene, waard it sertifisearre as twaris platina. Behalven it album sels die ek de single Casse it poerbest en berikte it earste plak yn 'e hitlisten yn sawol Frankryk as Walloanje , en it twadde plak yn Switserlan . Fan itselde album waarden noch trije oare singles utbrocht, Une femme cachee , Suivre une etoile en Inevitablement , werfan't Suivre une etoile it fierwei it beste die. Leroy gie ein 2003 op toernee troch Frankryk, Walloanje en Romanje , it Fransktalige diel fan Switserlan.

Har twadde album, Histoires naturelles , broch Leroy yn desimber 2005 ut. De single Nolwenn Ohwo! waard in grut sukses en in sulveren plaat . It album sels wie platina yn Frankryk en goud yn Belgje . Har folgjende album, Le Cheshire Cat et moi , waard troch Leroy yn gearwurking mei de Fereuske muzikant Teitur Lassen skreaun en opnommen yn Sweden en op 'e Fereu-eilannen . It album, dat neffens muzykkritisy "in lichtere klank" hie as har eardere albums, die it minder goed as Nolwenn en Histoires naturelles .

Nei in nij toernee brocht Leroy yn desimber 2010 har fjirde studio-album ut, mei as titel Bretonne ("Bretonse", d.w.s. "in frou ut Bretanje"). Sa't de namme al suggerearret, hiene de measte lieten op it album te krijen mei Leroy har heitelan Bretanje . Sa stiene der coverferzjes op fan tradisjonele Keltyske lieten lykas Mna na h-Eireann , Tri Martolod en La Jument de Michao , mar ek fan kontemporene poplieten, lykas Brest fan Christophe Miossec . Fan 'e lieten op it album wiene fjouwer yn it Bretonsk ( Tri Martolod , Suite sudarmoricaine , Bro Gozh ma Zadou en Karantez Vro ) en ien yn it Iersk ( Mna na h-Eireann ).

Bretonne stie san wiken efterinoar boppe-oan yn 'e Franske albumlisten en fiif wiken yn dy fan Walloanje. Yn Frankryk waard it album sertifisearre as twaris diamant , mei't der mear as in miljoen eksimplaren fan ferkocht waarden. Yn novimber 2011 waard in Deluxe Edition fan Bretonne utbrocht mei san ekstra Ingelsktalige covers, werunder Amazing Grace , Scarborough Fair en Moonlight Shadow . De Amerikaanske ferzje fan Bretonne waard yn jannewaris 2013 under de titel Nolwenn utbrocht en berikte it tsiende plak op 'e toanoanjaande World Album Chart fan it tydskrift Billboard . Leroy gie dat jiers op toernee troch Frankryk, Belgje, Switserlan, Dutslan en de Feriene Steaten .

Fan Leroy har letter albums, O filles de l'eau ( 2012 ), Gemme ( 2017 ), Folk ( 2018 ) en La Cavale ( 2021 ), die O filles de l'eau it it beste. Derfan waarden yn Frankryk 350.000 eksimplaren ferkocht, wat it ta in platina plaat makke. Gemme en Folk bleaune stykjen op goud , wylst La Cavale gjin sertifikaat fan muzykferkeap helle.

Yn 2014 waard Leroy har album Bretonne nominearre foar in World Music Award yn 'e kategory wralds beste album. Sels waard se nominearre foar de prizen foar wralds beste entertainer , wralds beste froulike artyst en wralds beste live- act . Datselde jiers song Leroy it Bretonske folksliet Bro Gozh ma Zadou foar in publyk fan 80.000 man yn it Stade de France yn Parys en op 'e nasjonale tillefyzje op France 2 , foar de fuotbalfinale om 'e Coupe de France tusken twa Bretonske klubs, Stade Rennais F.C. en EA Guingamp . Yn 2015 gie se wer op toernee, werby't se diskear ek ofreizge nei de oare kant fan 'e wrald, om optredens te fersoargjen yn Nij-Kaledoanje en Fransk-Polyneezje . Op 27 novimber fan dat jier naam Leroy mei Camelia Jordana en Yael Naim diel oan 'e betinking fan 'e slachtoffers fan 'e terroristyske oanslaggen fan 2015 yn Parys . Hja song derby it liet Quand on n'a que l'amour , fan Jacques Brel .

Njonken har wurk as sjongster, is Leroy ut en troch ek aktyf as stimaktrise , benammen by de Fransktalige neisyngronisaasje fan butenlanske tekenfilms .

Priveelibben [ bewurkje seksje | boarne bewurkje ]

Leroy hat sunt 2008 in relaasje mei Arnaud Clement , in restend Fransk profesjoneel tennisser . Behalven foar muzyk hat se ek oanlis foar hynstesport . Se besit in hynder dat El Aberkan hjit en hat ferskate kearen har feardichheden op it med fan hynsteriden en hynstespringen op 'e Franske tillefyzje sjen litten. Leroy docht ek in protte oan goeddiedichheid . Sa joech se har yn 2006 by de groep Les Enfoires , dy't muzyk utbringt werfan't de opbringst nei it goede doel giet. Ek is se belutsen by de Fondation Abbe Pierre , dy't opfang foar dakleazen besiket te beavensearjen.

Diskografy [ bewurkje seksje | boarne bewurkje ]

Albums [ bewurkje seksje | boarne bewurkje ]

Studio-albums [ bewurkje seksje | boarne bewurkje ]

jier	titel	resultaat
2003	Nolwenn	(2 × platina ) (platina)     ( goud )
2005	Histoires naturelles	(platina) (goud)
2009	Le Cheshire Cat et moi	(goud)
2010	Bretonne (yn 'e Feriene Steaten utbrocht as Nolwenn )	(2 × diamant ) (2 × plantina)     (goud)
2012	O filles de l'eau	(3 × platina) (goud)
2017	Gemme	(goud)
2018	Folk	(goud)
2021	La Cavale	n.f.t.

Live-albums [ bewurkje seksje | boarne bewurkje ]

• 2007 ? Histoires Naturelles Tour
• 2014 ? O Tour de l'Eau

Singles [ bewurkje seksje | boarne bewurkje ]

Eigen singles [ bewurkje seksje | boarne bewurkje ]

(de sjongtaal is Fransk as it net oars oanjun stiet)

• 2003 ? Casse ( gouden plaat )
• 2003 ? Une femme cachee
• 2003 ? Suivre une etoile ( sulveren plaat )
• 2004 ? Inevitablement
• 2006 ? Nolwenn Ohwo! ( sulveren plaat )
• 2006 ? Histoire naturelle
• 2006 ? Mon ange
• 2007 ? Jaimais tant l'aimer
• 2007 ? Reste encore
• 2009 ? Faut-il, faut-il pas?
• 2010 ? Textile schizophrene
• 2010 ? Suite sudarmoricaine (yn it Bretonsk )
• 2010 ? Mna na h-Eireann (yn it Iersk )
• 2010 ? La jument de michao
• 2011 ? Tri Martolod (yn it Bretonsk)
• 2011 ? Brest
• 2011 ? Moonlight Shadow (yn it Ingelsk )
• 2012 ? Juste pour me souvenir
• 2013 ? Sixieme continent
• 2013 ? J'ai vole le lit de la mer
• 2014 ? Ophelia (live)
• 2017 ? Gemme
• 2017 ? Trace ton chemin
• 2018 ? So Far Away from L.A. (yn it Ingelsk)
• 2018 ? Je t'aimais, je t'aime, je t'aimerais

Gastsingles [ bewurkje seksje | boarne bewurkje ]

• 2007 ? Aimer a perdre la raison (mei Les Enfoires )
• 2007 ? L'amitie (mei Les Enfoires)
• 2012 ? Without You (yn it Ingelsk; mei Les Enfoires)
• 2012 ? Attention au depart (mei Les Enfoires)
• 2013 ? Jeanne (mei Les Enfoires)
• 2014 ? Laissez-nous chanter (mei Les Enfoires)
• 2014 ? Des que le vent soufflera (mei ferskate artysten)
• 2014 ? Luscie (mei Francis Cabrel )

Filmografy [ bewurkje seksje | boarne bewurkje ]

Keppelings om utens [ bewurkje seksje | boarne bewurkje ]

• (fr) Offisjele webside fan Nollwenn Leroy

Boarnen, noaten en/as referinsjes:

Foar boarnen en oare literatuer, sjoch under: References , op dizze side . Commons  Ofbylden dy't by dit underwerp hearre, binne te finen yn de kategory Nolwenn Leroy fan Wikimedia Commons .