It Grand Hotel Europa, yn
Praach
.
Dizze side giet oer
de horeka-gelegenheid 'hotel'
. Foar oare betsjuttings, sjoch:
hotel (betsjuttingsside)
.
In
hotel
is in tsjinstferlienend etablissemint mei in
kommersjeel
eachmerk der't men tsjin betelling oernachtsje of underdak fine kin. It wurd 'hotel' komt fan it
Latynske
hospitalis
, dat "gastfrij" betsjut. Hotels kinne yndield wurde neffens in
hotelklassifikaasje
dy't gebruk makket fan stjerren, werby't fiif stjerren it heechst helbere en nul stjerren it leechste is. Hotels meitsje faak underdiel ut fan in hotelkeatling, mei festigings yn ferskate plakken, soms ferspraat oer de hiele wrald. Guon ferneamde hotelkeatlings binne
Hilton Hotels & Resorts
, de
Ritz-Carlton Hotel Company
en
Bilderberg
.
Wa't yn in hotel ferbliuwt, hiert der in hotelkeamer. Soks wurdt meastal dien foar in yn 't foar ofsprutsen perioade, al is it faak wol mooglik om 'e hier fan in hotelkeamer te ferlingjen. Oars leit it yn it heechseizoen yn
toeristyske
plakken, der't men ornaris mei reservearrings wurket. De gasten moatte harren keamer dan op 'e yn 't foar ofsprutsen tiid untromje, meastal moarns om in oere as alve, sadat it hotel de tiid hat om 'e keamer te himmeljen en de
bedreding
te ferskjinjen foar't der oan 'e ein fan 'e middei nije gasten arrivearje dy't ek reservearre hawwe.
In hotelkeamer kin in ienpersoanskeamer weze of in twapersoanskeamer. Soms kin der op fersyk noch in trede bed oan in twapersoanskeamer tafoege wurde. Hjoed oan 'e dei binne hotelkeamers frijwol altyd foarsjoen fan in byhearrende
badkeamer
mei
dus
en
wc
; in
tillefoan
; in
tillefyzje
; in
ynternetoansluting
; en in
minybar
(
kuolkastke
mei
drankjes
). De kosten foar skiljen en gebruk fan 'e minybar binne net ynbegrepen by de keamerhier. Yn 'e regel kinne hotelgasten ek gebruk meitsje fan in
kluske
foar de opslach fan kostberheden; sokke kluskes binne net yn 'e hotelkeamers sitewearre, mar under yn it hotel, by de
resepsje
.
Hotels beskikke fierders oer in eigen
restaurant
der't hotelgasten ite kinne, en faak ek oer in eigen
kafee
, de saneamde
hotelbar
, der't dronken wurde kin. Om't sa'n bar him yn it hotel befynt en de butendoar dus op slot dien wurde kin sunder dat dat de gasten behinderet om harren keamers te berikken, hoecht sa'n gelegenheid him net oan 'e
wetlik
festleine slutingstiden foar horeka-gelegenheden te halden. Hotelgasten kinne by in ferbliuw yn in hotel kieze foar inkeld en allinnich in oernachting (yn it
fakjargon
lozjys
), in oernachting mei brea-iten (
lozjys en brogge
), in oernachting mei brea-iten en diner (
healpensjon
), in oernachting mei brea-iten, lunch en diner (
folpensjon
), of in oernachting mei brea-iten, lunch, diner, drankjes en oanfoljende fasiliteiten (
all inclusive
). Fral yn
toeristyske
plakken binne all inclusive-ferbliuwen tige populer.
Hotel Llao Llao yn Bariloche (
Argentynje
).
- appartemintehotel
: in hotel dat apparteminten ferhiert ynstee fan keamers;
- bed en brochje
: in amateurhotel runt troch partikulieren by harren thus, meastal mei mar ien of twa keamers;
- boetykhotel
: in luksueus hotel mei in yntime sfear dat net ta in hotelkeatling heart;
- herberge
: in ienfaldich hotel dat runt wurdt as bykomstichheid by in
kafee
;
- botel
: in hotel festige op in
boat
;
- ferbliuwshotel
: in hotel deunby in
toeristyske
trekpleister (bgl. in
stran
), mei in protte oanfoljende fasiliteiten foar frijetiidsbesteging (lykas in
swimbad
,
sauna
en
tennisbaan
);
- hotel-restaurant
: in hotel mei in restaurant dat ek foar net-hotelgasten tagonklik is;
- jeugdherberge
of
hostel
: in ienfaldich soarte hotel, benammen brukt troch
backpackers
en oare jongerein;
- kapsulehotel
: in hoteltype yn in kapsule (komt fral yn
Japan
foar);
- kuerhotel
: in hotel yn in
kueroard
;
- motel
: in ienfaldich soarte hotel by de kant fan in grutte wei lans, der't automobilisten op trochreis oernachtsje kinne;
- parkfly
of parkflyhotel: in hotel deunby in
lofthaven
, der't reizgers ferbliuwe kinne dy't op harren flecht wachtsje;
- pensjon
: in ienfaldich en lytsskalich soarte hotel, faak mei inkeld brea-iten as oanfoljende fasiliteit;
- resort
: in luks en besletten hotel dat ek oare fasiliteiten biedt, lykas in
golfbaan
of in konvinsjesintrum;
- soarchhotel
: in hotel der't men teffens
soarch
ferlient, gaadlik foar fakansjes fan siken en minder faliden.
