Haskerdiken
is in doarp oan it
Hearrenfeanster Kanaal
yn de gemeente
It Hearrenfean
. It noardlike diel fan de fersprate lintbebouwing wurdt Krom Haskerdiken neamd. Under Haskerdiken falt ek de buorskippen
Sythuzen
en
Spitsendyk
. Haskerdiken foarmet mei it jongere
Nijbrege
in
twillingdoarp
.
It doarp hat 375
(
1 jannewaris
2023
)
[2]
ynwenners.
De namme waard yn it ferline ek neamd as 'tho da Dijcken' (1465), 'to Hasche dykem' (1473), 'in Hasscher dyken' (1489), 'in Hasscha dyken' en Hasker dycken (1496).
Op it plak wenne yn 'e 13e iuw de
Norbertynske
hearemyt
Dodo
, dy't ferstoar nei't yn 1231 syn klinte of kapel ynstoartte en hy under it pun bedobbe waard. By it finen fan syn lichem waarden de tekens fan
stigmata
untdutsen en fuort dernei waard op it plak troch de muontsen Sirikus en Sifridus mei in pear leken it
Hasker Konvint
(ek it kleaster fan Marije's Roazedelling) stifte, dat de rigel fan
Augustinus
folge. Oer de funeminten fan de kapel waard in kleastertsjerke boud, dy't tagelyk ek in
parochytsjerke
wie. Ynearsten wie it in
dubelkleaster
, mar doe't it kleaster him yn 1466 by de
kongregaasje fan Windesheim
oanslette wie it al in manljuskleaster. De muontsen dienen oan it oanmeitsjen fan it unlan en leinen diken oan, mar der wie ek in hospitaal. Tusken
1576
en
1579
waard it kleaster ferneatige. De kleastertsjerke bleau lykwols yn gebruk as
protestantske
tsjerke, dy't yn
1817
ferfongen waard troch de hjoeddeiske tsjerke fan Haskerdiken.
[3]
[4]
Yn de
19e iuw
waard besuden it doarp in nije brege boud; der untstie it doarp
Nijbrege
, dat mei Haskerdiken in
twillingdoarp
foarmet. Oant de
gemeentlike weryndieling
op 1 jannewaris 1984 hearde Haskerdiken by de gemeente Haskerlan, wylst
Nijbrege
ta de gemeente It Hearrenfean rekkene waard. Dernei hearde Haskerdiken by de gemeente Skarsterlan en mei't yn 2014 de gemeente Skarsterlan opheft waard, waard ek Haskerdiken by de gemeente It Hearrenfean yndield.
Oant 1954 waard ek de hjoed-de-dei by
Vegelinsoard
yndielde buorskip
Twahus
ta de
himrik
fan Haskerdiken rekke.
Sunt 2012 makket it Dodopaad diel ut fan it
Jabikspaad
, in diel fan de pylgersrute fan
Sint-Jabik
nei
Santiago de Compostella
.
Sunt 1983 spilet '
It Deelshus
', it mienskiplike doarpshus fan Haskerdiken en Nijbrege, in sintrale rol yn it ferieningslibben fan it doarp. Yn 'e jierren 2010-2011 waard it doarpshus ferboud en modernisearre. Haskerdiken en Nijbrege hawwe sunt 1900 in mienskiplik
Pleatslik Belang
. "De Brege" is de doarpskrante fan it twillingdoarp. Frijwilligers hawwe yn 1992 de organisaasje Doarpshelp oprjochte, dy't him ynearsten op de alderein rjochte mar hjoeddedei syn tsjinsten oan it hiele doarp oanbiedt. Doel fan de organisaasje is it behald fan de leefberens yn it doarp foar elkenien.
- De Wikipedy hat ek in side
Kapel fan Haskerdiken
.
Haskerdiken is oansletten by de
PKN-gemeente It Hearrenfean
. Alle moannen wurdt der in tsjinst fierd yn de tsjerke fan Haskerdiken.
Oant 2016 wie 'It Fiifde Ste' de iepenbiere basisskoalle fan it doarp. De bern kamen fral ut Haskerdiken en Nijbrege, mar ek ut de himrikken fan oanbuorjende plakken. De basisskoalle waard fanwegen it lytse tal bern sletten.
(
De list is yn 2023 bywurke mei help fan de hiemside fan Haskerdiken-Nijbrege. Sjoch foar de meast aktuele ynformaasje oer ferienings op dy
hiemside
)
Jier
|
1840
|
2013
|
2015
|
2020
|
Ynwenners
|
304
|
400
|
395
|
395
|
(
Boarnen: 1840: Plaatsengids; 2009: 2015 en 2020:
Alle Cijfers
)
Sjoch:
strjitten yn Haskerdiken
mei ferklearring fan de nammen.
Boarnen, noaten en/as referinsjes:
|
|