De Vichipedie, la enciclopedie libare dute in marilenghe.
Josef Marchet
(Giuseppe Marchetti,
Glemone
ai
23 di Lui
1902
-
Udin
ai
8 di Mai
1966
) al e stat plevan, insegnant, linguist, storiograf, storic e critic de art, leterat e in gjeneral un dai plui impuartants pensadors furlans dal prin Nufcent.
Al studia tal Seminari di Udin e tal
1925
al fo consacrat plevan. Intal
1935
si laurea in letaris classichis e modernis ae Universitat Catoliche di
Milan
, e daspo al fo mandat in Abissinie come capelan militar. Tornat in patrie, al insegna in diviersis scuelis, e tal
1944
al fo mandat al confin dal regjim fassist. Finide la vuere, al ispira il grup poetic
La Risultive
e al deventa il plui grant sostenidor e teoric de autonomie furlane in timps une vore dificii, rivendicant la lenghe furlane come miec di comunicazion total.
Al fo ancje fondador e diretor de
Patrie dal Friul
, il prin setemanal dut par furlan, dula che al puarta indevant lis batais pal autonomisim; al fo ancje dal
1961
ae so muart diretor di
Sot la nape
; al e ancje autor de prime gramatiche de
lenghe furlane
, ancjemo vue une vore impuartante; inte
Cuintristorie dal Friul
al a tornat a lei la storie de regjon cence i condizionaments de storie e de propagande, dome dal pont di viste furlan.
