Rosa Sevilla de Alvero

Wikipedia, Entziklopedia askea
Rosa Sevilla de Alvero
Bizitza
Jaiotza Tondo (en) Itzuli,  1879ko martxoaren 4a
Herrialdea   Filipinak
Heriotza Quezon City ,  1954ko maiatzaren 11  (75 urte)
Hezkuntza
Hizkuntzak gaztelania
tagaloa
Jarduerak
Jarduerak idazlea , hezitzailea eta sufragista

Rosa Lucia Sevilla de Alvero (Tondo, Manila , Filipina k, 1879ko martxoaren 4a – Quezon City , Filipinak, 1954ko maiatzaren 11 ) Filipinetan emakumeen sufragioaren alde egin zuen filipinar aktibista , hezitzailea eta kazetaria izan zen. [1]

Biografia [ aldatu | aldatu iturburu kodea ]

1879ko martxoaren 4an jaio zen. Silvina Tolentinoren eta Rafaelen alaba, Aurelio Tolentino iraultzaile eta antzerkigilearen senidea eta Ambrosio Sevilla, Espainiako armadako sarjentuarena. [2] Izeko Tolentinorekin hazi zen, zeinak askotan gonbidatzen zituen bere etxera "hezkuntza kolonial" deitzen zutenaren aurka defendatzen zuten abertzaleak eta intelektualak. [3]

Lan ibilbidea [ aldatu | aldatu iturburu kodea ]

Hezitzaile ibilbidea [ aldatu | aldatu iturburu kodea ]

Irakasle ikasketak egin zituen, “Goi mailako irakasle” titulua lortu zuen Colegio de la Asuncion izenekoan. [4] Santo Tomaseko Unibertsitateko lehen dekanoa izan zen eta 1900eko uztailaren 15ean Emakumearen Institutua (gero Rosa Sevilla Oroimenezko Eskola ) sortu zuen. [4]

Amerikako garai kolonialaren lehen urteetan, 21 urterekin Manilako Emakumeen Institutua sortu zuen, Filipinetako emakumeen lehen eskoletako bat izan zena. [1] Institutuak emakumeei "Jainkoari zein herrialdeari zerbitzatzeko" prestatzen lagunduko zien curriculuma eskaini zien, gehienbat erlijioa eta zientzia-gaiak irakastea debekatzen zuten estatubatuarrek zuzendutako eskolen alternatiba bat emanda. [3]

Sufragista ibilbidea [ aldatu | aldatu iturburu kodea ]

30eko hamarkadaren erdialdean, 1916an filipinar emakumeei boto eskubidea emateko mugimendu bat zuzendu zuen, Filipinetako Emakumeen Liga Nazionala sortuz. Erreferendum baten ostean, 1937an lortu zuten emakumeek eskubidea. [1]

Kazetaritza ibilbidea [ aldatu | aldatu iturburu kodea ]

Kazetaritzan ere lan egin zuen, La Vanguardia egunkari espainiarreko zuzendaria izanik, eta Filipinetako Emakumeen Kluben Federazio Orokorrak argitaratutako The Woman's Outlook aldizkaria sortu zuen. [5] Antonio Lunaren La Independencia egunkariko erredakzio taldeko partaide izan zen, eta gaztelaniaz ere idatzi zituen La Mejor , El Sueno del Poeta eta Prisonera de Amor lanak, esaterako. [3]

Bizitza pertsonala [ aldatu | aldatu iturburu kodea ]

Emilio Alvero artistarekin ezkondu zen. [2] 1954ko maiatzaren 11n hil zen, 75 urte zituela. [4]

Sariak eta aintzatespenak [ aldatu | aldatu iturburu kodea ]

  • 1948, uztailaren 4a, Filipinetako Gobernuko Presidentetza Merezimenduaren Domina.
  • 1948 Isabel II.a Espainiako erreginaren aitorpena.
  • 2021ean, martxoaren 4an, Google-k bere 142. urtebetetzea ospatu zuen Google Doodle batekin, denbotaldi baterako Logo bereziarekin. [6]

Erreferentziak [ aldatu | aldatu iturburu kodea ]

  1. ↑ a b c Google fetes Filipina suffragist Rosa Sevilla de Alvero with doodle on 142nd birthday. 4 March 2021 .
  2. ↑ a b Google Doodle celebrates Rosa Sevilla de Alvero, one of the women who fought for Filipina's right to vote. 4 March 2021 .
  3. ↑ a b c Co, Ryanne. (4 March 2021). ≪Rosa Sevilla de Alvero: 5 Facts To Know About Today's Google Doodle≫ Tatler Philippines .
  4. ↑ a b c ≪Because of Rosa Sevilla de Alvero, Pinays can vote. But who is she?≫ My Pope 4 March 2021 .
  5. ↑ ≪Google doodle features Filipina suffragette≫ GMA News Online 4 March 2021 .
  6. ↑ ≪Rosa Sevilla de Alvero's 142nd Birthday≫ Google 4 March 2021 .

Kanpo estekak [ aldatu | aldatu iturburu kodea ]

" https://eu.wikipedia.org/w/index.php?title=Rosa_Sevilla_de_Alvero&oldid=9532500 "(e)tik eskuratuta