Robert Frank
Bizitza
Jaiotza	Zurich ,  1924ko azaroaren 9a
Herrialdea	Ameriketako Estatu Batuak   Suitza
Bizilekua	Manhattan Zurich Mabou (en)
Talde etnikoa	Juduak
Heriotza	Inverness (en) ,  2019ko irailaren 9a  (94 urte)
Familia
Ezkontidea(k)	Mary Frank  (1950 -  1969)
Hezkuntza
Hizkuntzak	ingelesa
Jarduerak
Jarduerak	film-zuzendaria , argazkilaria , argazki-zuzendaria , gidoilaria , artista bisuala , grabatzailea , zinemagilea , bideoartista , collagist (en) eta errealizadorea
Parte-hartzailea Postwar European Photography (en)
Lantokia(k)	New York Zurich Detroit  eta  Kanada
Enplegatzailea(k)	Atelier Eidenbenz (en)
Lan nabarmenak	ikusi The Americans (en)
Jasotako sariak	ikusi John Simon Guggenheim Memorial Foundation beka Hasselblad Award  (1996) Swiss Press Photo Lifetime Achievement Award  (2012) Dr. Erich Salomon Prize  (1985)
Influentziak	Walker Evans
Kidetza	Ameriketako Estatu Batuetako Arte eta Letren Akademia Alemaniako Natur Zientzien Leopoldina Akademia
Genero artistikoa	erretratua

Robert Frank ( Zurich , Suitza , 1924ko azaroaren 9a - Inverness , Nova Scotia , 2019ko irailaren 9a ) jatorri suitzarreko argazkilari eta zinema -zuzendari estatubatuarra izan zen.

Biografia [ aldatu | aldatu iturburu kodea ]

Argazkilaritza-ikasketak egin zituen bere jaioterrian, eta industriako argazkilari gisa lan egin zuen. 1947an, Estatu Batuetara emigratu zuen, eta New Yorken hasi zen lanean, publizitate - eta moda -argazkilari gisa. 1948an, bere lehenengo bidaia profesionala egin zuen.

1955ean Guggehnheim beka eman zioten, eta horrekin bi urteko bidaia ordaindu zuen Estatu Batuetan zehar. Bidaia hartako argazkiak Frantzian argitaratu ziren lehen aldiz, Les Americains titulupean, eta Estatu Batuetan gero, 1959an: The Americans . Bere argazkietako ikuspegi ironikoak zalantzan jarri zuen hain zabalduta zegoen amerikar ideala. Estatu Batuetako argazkilarien esanetan, inguruari begiratzeko modua aldatu zien liburuak. Argazki gehienak irudi tristeak ziren, eta eguneroko bizimoduaren asperraldia, tristura eta etsipena erakusten zuten. Estatu Batuetako kritikari askok arbuiatu zuten bere zintzotasunagatik eta ikuskera ilunagatik. Lan hark 35 milimetroko kameraren erabilera zabaltzen lagundu zuen, une jakina ez ezik gauzak ere erretratatzeko lan-tresna gisa erabiltzeko.

1960ko hamarraldian, Frankek zineman lan egin zuen, eta baita zinema-irakasle gisa ere. Haren film ezagunena, Pull My Daisy (1958), Jack Kerouac idazle estatubatuarraren obran oinarrituta dago.

1996 urtean, Hasselblad argazkilaritza-saria irabazi zuen.

Erreferentziak [ aldatu | aldatu iturburu kodea ]