Maiatzeko Iraultza

Maiatzeko Iraultza
Mota	iraultza
Data	1810eko maiatzaren 25a
Kokaleku	Buenos Aires
Herrialdea	Rio de la Platako Erregeorderria

Maiatzeko Iraultza ( gaztelaniaz : Revolucion de Mayo ) gertaera iraultzaile sail bat izan zen, 1810eko maiatzaren 18tik 25era Buenos Airesen jazotakoak, Rio de la Platako Erregeorderriaren hiriburuan. Espainiar kolonia horrek, gutxi gorabehera, egungo Argentina , Bolivia , Paraguai , Uruguai eta Brasileko eskualde batzuk hartzen zituen. Iraultzaren ondorioz, Baltasar Hidalgo de Cisneros erregeordea kendu eta bertako gobernu bat ezarri zen, Primera Junta ("Lehenbiziko Batzarra") deitutakoa. ^{[oh 1]}^[1]

Argentinako estatuaren sorreraren hasiera izan bazen ere, Lehenbiziko Batzarrak ez zuen burujabetza adierazi, eta Fernando VII.a Espainiako erregearen izenean hartu zuen agintea. Independentzia adierazpen ofiziala Tucumango Kongresuak egin zuen, 1816ko uztailaren 9an. ^[2]