Ignazio Maria Alaba
Vicente Lopez Portanaren
koadro batean (1816).
Ignazio Maria Alaba Saenz de Navarrete
(
Gasteiz
,
1750eko
urriaren 24a
-
Chiclana de la Frontera
,
1817ko
maiatzaren 26a
) arabar militarra izan zen.
Miguel Ricardo Alabaren
osaba izan zen.
Bergarako Errege Mintegian
ikasi eta 1766an
guardiamarina
bilakatu zen. 1778rako jada
teniente
zen eta
San Luis
xebekaren
agintea zuen.
Trafalgarko guduan
parte hartu zuen eta almirantea ere izan zen.
[1]
[2]
Gasteizen jaioa, 1750eko urriaren 24an, bere lehen ikasketak
Bergarako Errege Mintegian
egin zituen. 1766ko uztailaren 23an
Cadizko
sailaren itsas-zaintzan aurkitzen dugu. Urte berean, "Terrible" itsasontzian enbarkatu zen; ondoren "San Pedro Alcantara"n, "Peruano"n, "Astuto"n eta "Venus" fragatan enbarkatu zen. Horietan hainbat itsas bidaiak egin zituen, tartean bat
Filipineteara
.
1778an,
teniente
maila eta "San Luis"
xebekaren
agindua eman zioten; itsasontzi horrekin mairuen eta berbereen aurka
korso agiriaz
aritu zen. 1779an "Santisima Trinidad" pasa zen eta ondoren 2Santa Isabel" eta "Rayo"ra, eta, azkenik, "Gertrudis" fragatara.
1781ko urtarrilean, "Rosa" fragataren aginduarekin, Luis de Cordovaren eta Orvillers kondearen agindupean,
Mantxako kanalaren
kanpainan ibili zen. Garaipen handia lortu zuten horretan: "Ardent" itsasontzi ingelesa harrapatu zuten eta Ingalaterrarko beste itsasontziak portuetan babesa hartu behar izan zuten. Beste ekintzetan ere aritu zen:
San Bizente
lurmuturran konboi britaniar bat harrapatu zuten eta Giblatarreko setioan, besteak beste. Gibraltarren aurka "Santa Barbara" fragatarekin aritu zen, orduan kapitain bezala.
Espartel lurmuturran
, bestetik, berriro ere Luis de Cordovaren agindupean, izan zen borrokan hartu zuen parte; 1782ko urriaren 20an zauritua izan zen. Itsasontziren kapitainaren mailarekin "Sabina" fragataren agindua eman zioten.
1787ko udan, Juan de Langara agindupean, eboluzioen-eskuadararen Nagusi Orokorra izendatu zuten. Ondoren, kargu bera Cartagenako barrutian bete zuen eta, 1790ko ekainean,
Jose Solano y Bote
Socorroren Markesaren eskuadran. Azken eskuadra honekin Parmako printzearen bila
Livornora
joan zen; printzeak Cartagenan hartu zuen lurra eta Alaba berarekin Madrileraino joan zen. 1791ko otsailaren 8an, "San Francisco de Paula" itsasontziaren komandantea izendatu zuten eta harekin arabiarren erasoen aurrean
Oranen
laguntzan aritu zen.
1792ko martxoaren 1ean,
brigadier
izendatu zuten. Gradu horrekin Langara jeneralaren eskuadrara bidali zuten, Nagusi Orokorra moduan. Haiekin 1793an Ingalaterrarekin batea Espainiak Frantziako kostaldean
Konbentzioaren Gerra
egin zuen kanpainan hartu zuen parte.
1794an eskuadra-burua izenadatu zuten eta mundu osoari bira egin behar zion eskuadra baten agindua eman zitzaion. Eskuadra horretan itsasontzi hauek zeuden: "Europa" eta "Montanes" itsasontziak, "Fama", "Lucia" eta "Pilar" fragatak, eta "Aurora"
hulka
. Espedizioa Cadizetik atera zen, 1794ko azaroaren 30ean. Amerika osoa egin zuen eta handik
Filipinetara
Marianak
uhartetara joan zen. Mapetako informazio asko zuzendu zituen ibilbide horretan.
Manilatik
gertu, 1802ko
azaroaren 15ean
, "Reglamento adicional a la Ordenanza de Marina, para los navios de las islas de Filipinas que con efectos de su comercio viajan a Nueva Espana" dokumentua idatzi zuen. 1803ko urtarrilaren 7an Penintsulara itzultzeko bidea hartu zuen.
Esperantza Oneko lurmuturra
bira eman zuen eta 1803ko maiatzaren 15ean Cadizen sartzen zen. Bidaiaren bitartez gradua igo zioten, teniente general mailaraino. Bidaia horren memoria oso zehaztua idatzi zuen Alabak.
Trafalgarko guduan zauritua iza zen.
Frantziar eta espainiar armadak baturik, Ingalaterraren armadaren aurka eraso zuten 1804ean. Gerra horretan
Trafalgarko gudua
eman zen. Ingelesek irabazi zuten gudua. 3.500 pertsona inguru hil ziren borroka honetan, gehienak espainiar eta frantsesak. Hogeita zazpi gerraontzi britainiarrek, Nelson almirantea burua zutela, hogeita hamahiru frantziar eta espainiar gerraontzi garaitu zituzten, Pierre Villeneuve almirantea buru zutela. Frantziar-espainiarrek 22 ontzi galdu zituzten, britainiarrek bat ere galdu gabe.
Alabak eskatuta zuen gerra horretan destinoa. Cadizko Barrutiaren eskuadraren agindua eman zitzaion eta, frantsesekin batu zirenean, berea izan zen bigarren agintariaren postua. Trafalgarren "Santa Ana" itsasontzian zuen itsasontzi burua; komandantea
Jose Gardoki
zen. Guduan hiru aldiz zauritu zuten; ondorioz, itsasontziaren agintea Francisco Riquelme-ren eskuetan gelditu zen. Riquelmek itsasontzia errenditu zuen. Espainiak, sari gisa, Alabari Karlos III.aren Ordenaren gurutze handia eman zion.
San Fernandoko Itsasgizonen Ospetsuen Panteoian dago lurperatuta.
Berriro aktiboan zegoenean,
Iberiar Penintsulako Gerra
piztu zen. Alaba Cadizera joan zen eta frantsesen aurka aritzeko bildu ahal izan ziren itsasontzien agindua hartu zuen. 1810ean Habanan komandante generala izendatu zuten. 1812an Cadizko barrutiko kapitain generala izendatu zuten. 1814ko abuztuan Almirantegoko Batzar Nagusiaren partaidea eta Errege Armadako kapitain generala izendatu zuten. Baina haren osasuna kaltetua zegoenez, erretreta eskatu zuen.
Chiclanan
hil zen 1817an. Haren gorpuzkinak bertan lurperatu zituzten. 1870ean haren gorpuzkinak
San Fernandon
dagoen Itsasgizonen Ospetsuen Panteoian sartu zituzten, ohore guztiekin.
[3]
[4]