Wikipedia, Entziklopedia askea
Antonio Perez del Hierro
(
Valdeconcha
,
Guadalajara
,
1540
–
Paris
,
1611ko
apirilaren 7a
) gaztelar politikaria izan zen.
Salamancan
eta
Italian
egin zituen ikasketak.
Filipe II.aren
idazkari eta Estatu Idazkaria izan zen. Badirudi
1578ko
martxoaren 31n
Juan de Escobedo
,
Joan Austriakoaren
idazkaria hilarazi zuela, eta Filipe II.a nahasi zuen hilketa horretan.
Auzi luze baten eta torturak jasan ondoren, kartzelan sartu zuten, baina Perezek kartzelatik ihes egin zuen. Gaztelako justiziari ihes egiteko, Zaragozara alde egin zuen eta, arbaso aragoiarrak zituenez,
Aragoin
bilatu zuen geriza, eta erresuma hartako foruen babesean jarri zen. Gauzak horrela bertako foruei heldu zien horien arabera epaitua izateko.
Felipe II.ak Inkisizioaren aurrean salatu zuen Perez; izan ere, auzitegi horrek eskumena zuen bai Gaztelan, baita Aragoin ere. Aldiz, haren kasua ez zen erlijiosoa eta, beraz, ez zen Inkisizioaren jurisdikziopekoa, erresuman erresumako foruei lotua baizik, baina erregeak auzia bihurritu zuen Antonio heretikotzat jo ahal izateko.
Inkisizioak
esku hartu eta heriotzara kondenatu zuen
heretiko
zelaren akusaziopean.
Zigorrak
, baina, istilu larriak sortu zituen 1591ko Zaragozan, Aragoiko foruak hautsi zirela uste baitzuten: istiluek Aragoiko justizia zen
Joanes V.a Lanuzakoa
izan zuten buru. Felipe II.ak armada bidali zuen.
Errege
-tropek matxinada menperatu zuten, eta Joanes Lanuzakoa exekutatu egin zuten. Antonio Perezek Aragoitik
Nafarroa-Biarnora
ihes egin zuen
1591n
, eta Frantzian hil zen ahanzturan.