Tref Aberystwyth

Enw llawn	C.P.D. Tref Aberystwyth
Llysenwau	Aber Black and Greens The Seasiders
Sefydlwyd	1884 ; 140 blynedd yn ol  ( 1884 )
Maes	Coedlen y Parc Aberystwyth (sy'n dal: 5,000 (1,002 yn eistedd))
Cadeirydd	Donald Kane
Rheolwr	Tony Pennock
Cynghrair	Uwch Gynghrair Cymru
2023/24	10.
Gwefan	Hafan y clwb
Lliwiau Cartref Lliwiau Oddi cartref

Clwb pel-droed o dref Aberystwyth , Ceredigion yw Clwb Pel-droed Tref Aberystwyth ( Saesneg : Aberystwyth Town Football Club ). Mae'r clwb yn chwarae yn Uwch Gynghrair Cymru , prif adran pel-droed yng Nghymru .

Ffurfiwyd y clwb ym 1884 ^[1] ac maent wedi codi Cwpan Cymru unwaith, ym 1900, yn ogystal a chynrychioli Cymru yng nghystadlaethau Ewropeaidd UEFA ar dair achlysur. Maent wedi bod yn aelodau o Uwch Gynghrair Cymru ers ei sefydlu ym 1992 .

Mae'r clwb yn chwarae eu gemau cartref ar Goedlen y Parc , Aberystwyth, maes sy'n dal uchafswm o 5,000 o dorf gyda 1,002 o seddi. Mae gan y Clwb hefyd dim Merched , tim anabl a gwahanol dimau ieuenctid.

Hanes Cynnar [ golygu | golygu cod ]

Ffurfiwyd y clwb ym mis Hydref 1884 wedi i Arthur Hughes, mab i gyfreithiwr lleol, osod hysbyseb yn y papur newydd lleol yn gofyn am i chwaraewyr oedd eisiau ymuno a'r clwb newydd i gyfarfod yng Ngwesty'r Belle Vue, Aberystwyth ar brynhawn Sadwrn 4 Hydref . ^[2] . Roedd Arthur a'i frodyr Jack a Hugh yn bel-droedwyr o fri, ac roedd Jack eisoes wedi cynrychioli Cymru ddwywaith ym 1877 a 1879 tra'n fyfyriwr ym Mhrifysgol Caergrawnt .

Dechreuodd Aber chwarae yn y Welsh League ym 1896 ond dim ond am dymor, ond chwaraeodd y clwb yn rowndiau rhagbrofol Cwpan FA Lloegr a Chwpan Cymru cyn ymuno a'r Combination League ym 1899-1900 ^[3] a cafwyd llwyddiant mwyaf y clwb yn ystod yr un tymor wrth iddynt godi Cwpan Cymru am yr unig dro yn eu hanes wedi buddugoliaeth 3-0 dros y C.P.D. Derwyddon Cefn ^[4] yn Y Drenewydd .

Ar ol gadael y Combination League, ymunodd Aber a Chynghrair Sir Drefaldwyn a'r Cylch ym 1904 ^[5] gan ennill sawl pencampwriaeth cyn ymuno a'r Gynghrair Genedlaethol Gymreig (Adran y Canolbarth) ym 1921.

Llwyddodd Aber i enill Cwpan Amatur Cymru ym 1931 a 1933.

Yn ystod tymor 2021/22 daeth Aberystwyth y clwb cyntaf yn hanes i chwarae 1,000 o gemau yn Uwch Gynghrair Cymru ^[6] .

Record yn Ewrop [ golygu | golygu cod ]

Tymor	Cystadleuaeth	Rownd	Clwb	Cymal 1af	2il Gymal	Dros Ddau Gymal
1999	Tlws Intertoto UEFA	1	Floriana	2-2	1-2	3?4
2004	Tlws Intertoto UEFA	1	Dinaburg	0?0	0?4	0?4
2014?15	Cynghrair Europa UEFA	Rhag 1	Derry City	0?4	0?5	0?9

Anrhydeddau [ golygu | golygu cod ]

• Cwpan Cymru
  • Enillwyr: 1899-1900
  • Cyrraedd Rownd Derfynol: 2008-09, 2013-14
• Cwpan Amatur Cymru
  • Enillwyr: 1930-31, 1932-33, 1969-70
  • Cyrraedd Rownd Derfynol: 1906-07, 1910-11, 1928-29, 1934-35, 1971-72

Records Y Clwb [ golygu | golygu cod ]

• Buddugoliaeth Fwyaf: 21-1 v. C.P.D. Machynlleth ym 1934 .
• Colled Fwyaf: 1-20 v. C.P.D. Caersws yn 1962 .
• Buddugoliaeth Fwyaf ( Uwch Gynghrair Cymru ): 6-0 v. Briton Ferry Athletic a Llanidloes 1993 .
• Colled Fwyaf ( Uwch Gynghrair Cymru ): 1-8 v. Y Barri yn 1997 .

Chwaraewyr nodedig [ golygu | golygu cod ]

• Rhys Griffiths - Aelod o Oriel Anfarwolion Uwch Gynghrair Cymru
• Robert Herbert Mills-Roberts - 8 cap dros Gymru 1885?1892
• Tomi Morgan - Aelod o Oriel Anfarwolion Uwch Gynghrair Cymru
• Colin Reynolds - Aelod o Oriel Anfarwolion Uwch Gynghrair Cymru
• Leigh Richmond Roose - 24 cap dros Gymru 1900-1911
• Wyn Thomas - Aelod o Oriel Anfarwolion Uwch Gynghrair Cymru
• David Williams - Prif sgoriwr yn holl hanes y clwb
• Marc Lloyd Williams - Aelod o Oriel Anfarwolion Uwch Gynghrair Cymru

Tim Merched [ golygu | golygu cod ]

Mae'r clwb hefyd yn cynnal C.P.D. Merched Tref Aberystwyth sy'n chwarae ar Goedlan y Parc ac sydd yn Uwch Gynghrair Merched Cymru . Bu'r tim yn gyfrifol am chwarae y gem gyntaf erioed yn yr hyn a ddaeth yn Uwch Gynghrair yn 2009. ^[7]

Cyfeiriadau [ golygu | golygu cod ]