The Doors
a oa ur strollad
rock
stadunanat
savet e miz Gouere
1965
e
Los Angeles
,
Kalifornia
ha divodet e
1973
, daou vloaz goude marv e ganer
Jim Morrison
.
Daoust d'e vuhez berrbad a-walc'h ez eo The doors unan eus strolladou heverkan istor ar rock, ha levezonet ez eus bet un toullad arzourien gant e sonerezh. Brudet-kenan e-pad o bloavezhiou oberiant a-drugarez da ditlou evel
Break On Through
pe
Light My Fire
e teuas ar pevar soner da vezan brudetoc'h c'hoazh goude ma voe divodet ar strollad, gant an azeulerezh hag ar vojenn a savas en-dro da
Jim Morrison
, barzh ha kaner leun a garism. Buhez diroll ha marv abred ar c'haner-se a voe lodek e krouidigezh ar vojenn hag an azeulerezh a savas da heul e varv.
Savet e voe The Doors e 1965 goude ur gejadenn etre Jim Morrison ha Ray Manzarek, daou zen diplomet eus an
UCLA
. Kanet en doa Morrison un nebeud kanaouennou evit Manzarek,
Moonlight Drive
ha reou all. Bez' oa Manzarek e-barzh ur strollad all dija (Rick and The Ravens), pa oa Krieger ha Densmore o senin gant The Psychedelic Rangers, met anavezout a rae an daou-man Manzarek dre vignoned boutin dezho.
Evit ar re a blij The Doors dezhe, e teue an hoal pennan eus ar c'homzou skrivet gant Jim Morrison. A-hend-all : ar son jazzy gant Densmore, mailhoni ha saouzanidigezh degaset gant klavier Ray Manzarek (dre ma sone
gitar-boud
gant e zorn kleiz ha piano gant e zorn all), ha stil ar gitarour Robby Krieger gant levezonou a-bep seurt, sort d'ar
flamenco
, ar sonerezh indian, ar
blues
hag ar gitar klasel : an holl draou-se a ya d'ober ur stil hag ur son hep e bar.
Dont a ra an anv ≪ The Doors ≫ eus titl ul levr bet skrivet gant
Aldous Huxley
,
The Doors of Perception
, amprestet a-raok c'hoazh digant ur barzh eus an
XVIII
vet
kantved
,
William Blake
: ≪ If the doors of perception were cleaned, everything would appear as it is: infinite ≫ (≪ Mar befe naetaet doriou ar merzout, en em ziskouezfe pep tra d'an den evel m'eman e gwirionez : divevenn. ≫)