Strollad sokial-demokrat Alamagn
(
Sozialdemokratische Partei Deutschlands
,
SPD
) a zo unan eus strolladou politikel pennan
Alamagn
. Strollad politikel koshan Alamagn eo ivez hag an hini nemetan a oa anezhan en ur stumm damhenvel a-raok an
Eil Brezel-Bed
. Sez ar strollad a zo e Willy Brandt-Haus e
Berlin
.
Savet e voe e
1875
dindan anv anv SAP (
Sozialistische Arbeiterpartei
, Strollad sokialour al labourerien) pa voe kendeuzet daou strollad all : ADAV (
Allgemeiner Deutscher Arbeiterverein
, Kevredigezh alaman hollek al labourerien), savet e
1863
gant
Ferdinand Lassalle
ha SDAP (
Sozialdemokratische Arbeiterpartei
, Strollad sokial-demokrat al labour) savet e
1869
gant
August Bebel
ha
Wilhelm Liebknecht
.
Diwar
1871
e kemeras perzh ar sokialourien e kement votadeg a voe aozet er
Reichstag
. Daou zileuriad a dapjont kaout e 1871, betek dont da vezan strollad politikel pouezusan Alamagn e
1912
pa dapjont 34,8% eus ar mouezhiou ha 110 dileuriad. E
1890
e vo dibabet an anv
SPD
.
Adal ar mare ma voe krouet SPD e voe tost ouzh ar sindikadou, ha mont a reas war gresk e levezon e-touez ar vicherourien. Etre
1878
ha
1890
e voe savet ar
Sozialistengesetze
(Lezennou ar sokialourien) gant gouarnamant
Bismarck
: berzet e voe SAP ha heskinet ar sokialourien-demokrat. Kenderc'hel a reas ar strollad dre guzh.
Abaoe m'eo bet krouet SPD ez eus un dislavar ennan : ez-ofisiel ez eo a-gleiz da vat e brogramm, padal n'eo ket kement e zoare da ren. Er bloavezhiou 1890 e voe meur a ziviz ennan a-benn gouzout hag-en e oa dav aozan un dispac'h sokialour a-benn gwellaat stad ar vicherourien, pe hag-en e oa trawalc'h kas adreizhadennou da benn vat (
Revisionismusdebatte
).
D'ar
4 a viz Eost
1914
e votas a-du dilennidi SPD ar
Reichstag
gant an dispignou-brezel, ar pezh a zisplijas da veur a ezel eus ar strollad, dre ma sonje dezho e oa ur vot a yae a-enep pennaennou SPD. Stank e voe an izili a voe skarzhet (
Rosa Luxemburg
,
Karl Liebknecht
,
Hugo Haase
,
Karl Kautsky
,
Paul Levi
,
Otto Ruhle
,
Clara Zetkin
ha re all), ha meur a strollad all a voe savet da-heul USPD (
Unabhangige SPD
, SPD dizalc'h) hag ar
C'hevread spartakour
(
Spartakusbund
).
E penn-kentan an dispac'h e voe unvanet SPD hag USPD, ha
Friedrich Ebert
, hag a oa e penn SPD, a voe lakaet da brezidant ar Republik. SPD a voe e-touez krouerien
Republik Weimar
e
1919
, asambles gant strolladou all evel DDP (strollad frankizour) hag ar
Zentrum
(strollad kristen). Goude c'hwitadenn an emglev-se e dilennadegou
1920
e voe dister perzh SPD er gouarnamantou.
Krennet e voe ivez levezon SPD pa greskas KPD (
Kommunistische Partei Deutschlands
Strollad komunour Alamagn). Ul lodenn eus izili tu-kleiz SPD a voe skarzhet e
1931
, ha gant an dud-se e voe krouet SAPD (Strollad Sokialour Labourerien Alamagn). Da vare dilennadegou
1933
e tapas kaout SPD 18,3 % eus ar mouezhiou, padal en doa tizhet 37,9 % e
1919
.
D'an
23 a viz Meurzh
1933
e voe kannaded SPD er Reichstag (ar re a oa bet aotreet da vont e-barzh, ne gonter ket ar re o doa ranket tec'hout hag ar re a oa en toull-bac'h) ar re nemeto ne votjont ket evit ma vefe roet holl ar galloud da Hitler. Dileuridi KPD a oa toull-bac'het pe drouklazhet. Evel holl ar strolladou politikel all, war-bouez
NSDAP
, e voe berzet SPD e-pad an hanv
1933
. Ul lodenn vras eus e izili a voe bac'het pe kaset da gampou-bac'h. Adsavet e voe SPD e
Praha
, met skarzhet e voe e
1938
pa voe aloubet Tchekoslovakia goude
emgleviou Munchen
. Mont a rejont neuze da
Frans
, ha rankout a rejont tec'hout war-du ar
Rouantelezh-Unanet
pa voe aloubet Frans gant arme Alamagn.
Goude ar brezel e voe adsavet SPD e kement tachenn aloubin a oa. En dachenn soviedel (hag a zeufe da vezan DDR) e kendeuzas gant
KPD
ha savet e voe neuze SED (
Sozialistische Einheitspartei Deutschlands
, strollad sokialour unvan Alamagn). Ul lodenn vras eus izili tu sokial-demokrat ar strollad en DDR a voe heskinet gant gouarnamant DDR hag a oa dindan levezou politikerezh Stalin.
Da-genver kendalc'h SPD e Bad Godesbger e
1959
e voe degaset kemmou da brogramm ar strollad, ha degemerete voe an armerzh marc'had gant SPD. E
1966
e kemeras perzh izili SPD en ur gouarnamant an unvaniezh, kaset gant ar c'hanseller
Kurt Georg Kiesinger
(CDU), hag enan izili eus
CDU
hag eus
CSU
. Goude dilennadeg ar gannaded e
1969
e chenchas an traou, hag e voe izili eus SPD ha re eus
FDP
er gouarnamant. Ar c'hanseller
Willy Brandt
(SPD) a glaskas gwellaat an darempredou etre Alamagn ha broiou bloc'had ar reter (
Ostpolitik
), ar pezh a zisplijas kalz d'ar virourien. War e lerc'h e teuas ar c'hanseller
Helmut Schmidt
a gasas ar gouarnamant betek
1982
, pa zivizas izili FDP chench tu. En tu-enep en em gavas neuze SPD. E
1983
e tapas kaout
Die Grunen
dileuridi er
Bundestag
evit ar wech kentan. Neuz e voe posupl krouin emgleviou
e tu-kleiz ar c'hreiz
(
Willy Brandt
).
E
1989
e voe krouet SDP (
Sozialdemokratische Partei
, Strollad sokial-demokrat) en
DDR
, ha kendeuzin a reas gant SPD ur pennadig a-raok adunvanidigezh Alamagn.
E
1998
e voe dilennet
Gerhard Schroder
da ganseller, a-drugarez d'un emglev SPD-Die Grunen.
Oskar Lafontaine
, hag en prezidant SPD, a voe laket da vinistr an armerzh. Met bec'h a savas etrezan ha Schroder a-fet politikerezh, hag e miz Meurzh
1999
e roas Lafontaine e zilez eus kement karg a oa bet fiziet ennan. Miz a-raok e oa bet kollet ar muianiver gant SPD er
Bundesrat
, neuze e rankas ar gouarnamant kavout emgleviou gant CDU.
E
2003
e voe embannet
Agenda 2010
, ur programm ennan kinnigou kemmou frankizour, gant ar c'hanseller Gerhard Schroder. Reuz a voe e diabarzh SPD betek dibenn
2004
, fall e voe disoc'hou SPD en dilennaegou ha meur a ezel az eas kuit. Pa oa tost da 1 million a izili er bloavezhiou 1970 e oa nebeutoc'h evit 600.000 anezho e 2005.
Ar re ne savent ket a-du gant kinnigou Schroder a savas WASG da gentan, ha Die Linke goude-se.
Daoust d'ar pezh a oa bet raktreset er sontaedgou ne voe ket re fall disoc'hou SPD da-genver dilennadegou
2005
. Ne zeuas ket a-benn CDU da gaout ar muianiver, hag izili SPD a asantas kemer perzh er gouarnamant kaset gant
Angela Merkel
(CDU).
Kansellerien SPD (goude an Eil Brezel-Bed)
[
kemman
|
kemman ar vammenn
]
|
Porched Alamagn
? Adkavit pennadou ha rummadou Wikipedia a denn da Alamagn.
|