M.I.A.

M.I.A.

M.I.A.

Anv	Mathangi Arulpragasam
Ganet	17 a viz Gouere 1975 e Londrez
Doare(ou)	sonerezh elektronek , hip-hop , dancehall
Bloavezhiou oberiant	2000
Label(iou)	XL Recordings , Interscope Records
Lec'hienn ofisiel	miauk.com
kemman

M.I.A. ( 17 a viz Gouere 1975 e Londrez ), anv gwir Mathangi ≪Maya≫ Arulpragasam , a zo ur sonaozerez, kanerez, raperez ha produerez pladennou ^[1]. A orin tamoul ( Sri Lanka ) eo. En he sonerezh e vesk elfennou grime , hip-hop , ragga , dancehall , elektro ha funk . E-touez dodennou he c'hanaouennou e kaver ar politikerezh hag ar vuhez sokial.

He buhez [ kemman | kemman ar vammenn ]

Pa oa 6 miz e kuitaas Bro-Saoz hag ez eas da Sri Lanka gant he zud hag he c'hoar Kali ^[2]. Seno e teuas he zad da vezan brudet war dcahenn ar politikerezh hag unan eus krouerien EROS (Eelam Revolutionary Organisation of Students) e voe. Un aozadur studierien dispac'hel e oa e bal stourm evit dizalc'hidigezh an Ilam tamoul ^[3]. Bloaz goude ez eas da Jaffna gant he mamm hag he c'hoar, eno e vo ganet he breur Sugu ^[3]. Pa grogas ar brezel diabarzh ez ejont da Chennai , en India ^[3]. Distrein a rejont da Jaffna met abalamour d'ar brezel diabarzh e rankjont distrein da India ha goude-se ez ejont da repuin da Londrez ^[3]. 11 vloaz e oa Maya ha deskin a reas saozneg hag e krogas da vezan dedennet gant ar sonerezh hip-hop ^[3]. Degemeret e voe e Central Saint Martins College of Art and Design Londrez, ma teskas an arzou-kaer, ar sinema hag ar video ^[3].

E 2001 e voe aozet he diskouezadeg kentan e Portobello Road Londrez , hag e voe embannet ul levr titlet M.I.A. , ennan hec'h oberennou ^[3]. Goude-se e reas ur videoklip eviut ar strollad Elastica hag a oa gant un droiad ^[3]. Kejan a reas ouzh Peaches , ma teskas dezhi penaos implijout ur sampler Roland MC-505 ha sed penaos e stagas Maya gant ar sonerezh ^[3]. Pa zistroas da Londrez e prenas ur sampler eil-dorn hag ec'h enrollas c'hwec'h ton ^[3]. Plijet e voe an DJed gant he fladenn single Galang , bet embannet 500 skouerenn anezhi ^[3]. E 2004 e teuas da vezan brudet, dreist-holl en toullou-nioz hag en internet. Tapout a reas Priz Mercury 2005 gant he fladenn Arular ha lakaet e voe M.I.A. El luskad nu rave ^[4]. Brudetoc'h c'hoazh e teuas da vezan pa voe implijet he c'hanaouenn Paper Planes (pladenn Kala ) er film Slumdog Millionaire . E 2009 e voe e roll ar c'hant den levezonusan hervez skipailh Time .

D'ar 26 a viz Ebrel 2010 e voe embannet videoklip he c'hanaouenn nevez titlet Born Free a oa da zont er-maez en deiz goude. Ur videoklip feuls nav munutenn-pad savet gant Romain Gavras eo. Un nebeud eurvezhiou goude ma vefe bet embannet e voe tennet eus Youtube, hag adlakaet goude gant strishaduriou ^[5]. He zrede albom a zeuas er-maez e Japan d'an 23 a viz Ebrel 2010.

D'an 11 a viz Mae 2010 e voe skignet an ton XXXO war internet. Single kentan he zrede albom eo ^[6]. En deiz a-raok e oa bet skignet gant BBC Radio One ^[7].

Lesanv [ kemman | kemman ar vammenn ]

M.I.A. a dalvez daou dra ^[8] :

Missing In Acton , liammet ouzh anv karter Londrez ma kasas e bugaleaj ennan.
Missing In Action , a vez lavaret e saozneg diwwar-benn ar soudarded marvet e-pad emgannou.