O
vriolin
[1]
(tamien dito
vigulin
,
violin
,
violon
u
vriolon
) ye un
instrumento musical
de cuerda rascata de cuatro cuerdas que cal tocar con un
arquet
. Huei en diya, iste ye o miembro mes chicolon y de sonito mes acuto de tota a familia d'es instrumentos de cuerda rascata, descendient d'a
lira de baccio
, a cual conta con o
vriolin alto
(viola), o
violoncello
y per partis d'o
contrabaixo
; marchinalment ista familia heba tenito un
vriolin
piccolo
, un
violoncello tenor
, un
vrioloncello piccolo
y encara mes eixindo-ne una
octava
mes alta u mes baixa que a o
contrabaixo
, a
octavasa
que se tocaba con dos musicos (l'uno ta premsar con es ditos contra d'o diapason y l'altro ta tocar con l'
arquet
). A parola vriolon ye de fonetica
gascona
y no ye a mes regular en l'
aragones
, a on s'emplega per mes usual a forma
vriolin
, que bien de l'
italiano
"
violino
", que fa significato de chiqueta
viola
. O musico qui el toca ye o
vriolinero
,
vigulinero
u
vriolinista
y l'artesan que el fabrica diz que ye o "
lutier
" (qui a soben treballa de conchunta con l'
arqueter
qui fabrica es
arquetz
).
L'
arquet
ye feto de
fusta
y de
crineras
de
caballo
rascatas contra d'a
colofana
(feta de
resina
de
pin
) dica que s'apegan enta la cuerda en fer-la mimbrar. As cuerdas d'o vriolin son afinatas en
quinta
d'o compas siguient (d'a mes grau enta la mes acuta): Sol, Re, La y Mi. Huei en diya gosan a ser fetas d'
acero
mientres que a la epoca
barroca
y clasica en yeran mes que mes de tripa de
uella
, y no pas de gato como una viella
falordia
en heba dito.
