Us der alemannische Wikipedia, der freie Dialakt-Enzyklopedy
D
Voli Geiler
(*
18. Novamber
1915
z
Winterthur
; †
11. Novamber
1992
z
Zuri
;
haimetberaachtigt
z
Burgle TG
) isch e
Schwyzer
Theater- un
Filmschauspiileri
un
Kabarettischti
gsii.
D Geiler het z Zuri Haute Couture gleert un nabehaar an dr Schauspiil- un Danzschuel vum Rudolf von Laban privaate Schauspiil-, Gsangs- un Danzunterriicht gnuu. Eerschti Ufdritt het si 1935 un 1936 am Summertheater Winterthur un 1936 bim Cabaret Baretatze
Barn
ghaa. Derno isch si uf
Paris
gange un het deert Haute Couture un Kosmeetik gleert. Vu 1938 bis 1946 isch si Mitgliid vum Cabaret Cornichon gsii, wu si ire speetere Bihnepaartner Walter Morath channgleert het. 1946 un 1947 isch si mit dr Danz- un Pantomime-Druppe vu dr Trudi Schoop dur Amerika tuurt. Anne 1948 het mer si zame mit em Werner Finck, dr Olga Gebhardt un em Karl Meier im Brogramm vum Cabaretistische Theater
Nebelhorn
im Zurcher
Hirsche
chenne saa. Im namlige Johr het si ire eerscht Ufdritt mit em Morath
(Programm fur zwei)
im Embassy z Zuri ghaa. Bis 1970 isch s Duo mit e Hufe Brogramm ufdratte, dodrunter
A la carte
(1953),
Adam und Eva
(1954),
Dolce Vita
(1960),
European Rendez-vous
(1962),
Expo ? Impo
(1963) un
Lachende Souvenirs
(1968/69). In dr 1950er un 1960er Johr han d Geiler un dr Morath zue dr wiichtigschte Schwyzer Kabarettischte*ne gheert. D Taxt gschriibe han unter anderen dr Charles Ferdinand Vaucher, dr Fridolin Tschudi, dr Werner Wollenberger un dr Roman Brodmann, kumpeniert han dr Werner Kruse, dr Walter Baumgartner, dr Lutz Harteck un dr Tibor Kasics. D Geiler un dr Morath han ire Brogramm gstaltet mit Pantomime un Groteske. In aim Brogramm han s bis zue vierzg verschiideni Figuure parodiert. Dur iri Sproochvirtuositeet un wel mer iri Koomik iiberall het chenne verstoh, han si au usserhalb vum dytschsproochige Ruum chenne ufdratte. Nabe Dytschland un Eeschtrych han si au Turnee gmacht dur Holland, Angland, Israel, d Dirkei un Noord- un Siidamerika.
Syt Aafangs 1960er Johr het si as freii Schaupiileri gschafft, zmaischt in Musical un Boulevardkumedine, unter anderem an dr
Komodie Basel
(1962 d Katharina Petkoff in
Helden
vum Bernard Shaw), am Operehuus Zuri (1965 d Offentliche Meinung in
Orpheus in der Unterwelt
vum
Jacques Offenbach
) am Bernhard-Theater Zuri (unter anderem 1967 d Schweschter Lisbeth in
Die Kaktusblute
vu Barillet/Gredys, 1968 d Doris in
Verruckte Wahrheiten
vum Alan Ayckbourn, 1977 d Huushalteri Berthe in
Boeing, Boeing
vun Marc Camoletti, 1990 d Mrs. Higgins in
My Fair Lady
vu Loewe/Lerner), uf Turnee, unter anderem as Jente in
Anatevka
vum Jerry Bock, un mit dr Schauspiildruppe Zuri (1973 d Wohrsaageri in
Wir sind noch einmal davongekommen
vum
Thornton Wilder
, 1975 d Rhodippe in
Lysistrata
vum
Aristophanes
). Zue ire letschte grooße Erfolg zelle 1986 d Claire Zachanassian in
Der Besuch der alten Dame
vum
Friedrich Durrenmatt
(Freiliechtprodukzioon uf em Bahnhoofblatz im barnische
Eiss
, Reschy: Lukas Leuenberger) un 1988 d Duchesse de Crakentorp in
La Fille du regiment
vum
Gaetano Donizetti
am
Ooperehuus Zuri
.
Nabe dane Theaterolle het si Rolle in verschiidene Film gspiilt, unter anderem d Phyllis Knightsbridge-Littelton in
Der Teufel hat gut lachen
vum Kurt Fruh (1960) un d Madam in
Despair
vum Rainer Werner Fassbinder (1978).
- 1940:
Verena Stadler
- 1955:
Sie und Er
- 1960:
Der Teufel hat gut lachen
- 1969:
Das Go-Go-Girl vom Blow-Up
- 1972:
Heute nacht oder nie
- 1978:
Despair
- 1984:
Tanzschule Kaiser
(TV-Serie)
- 1986:
Der Besuch der alten Dame
- 1991:
La fille du regiment