D Rosa ?Ossi“ Reichert (* 25. Dezamber 1925 z Gunzesried ; † 16. Juli 2006 ebe dert) isch e dytschi Schyyrannlaiferi . D Reichert het zue dr dytsche Sportass vu dr 1950er Johr zellt un isch Olympiasiigeri im Riiseslalom bi dr Olympische Winterspiil 1956 z Cortina d’Ampezzo gsii. Si isch di erscht dytsch Schyy-Olympiasiigeri noch em Zweete Waltchrieg gsii.

Laabe [ andere | Qualltaxt bearbeite ]

Scho in ire frieje Juged het si d Ossi Reichert fir dr Wintersport begaischteret. In ire Haimet im Allgai het si Hufe Glagehaite fir Schyysport ghaa un het als an irem Huusbarg, em Ofterschwanger Horn , trainiert. Si isch bi dr Olympische Winterspiil 1952 z Oslo mitgmacht un im Slalom hinter dr US-Amerikaneri Andrea Mead-Lawrence (2:10,6 min.) mit 0,8 Sekunde Ruggstand d Silbermedaille gwunne. D Annemarie Buchner , e Teamkollegi vu dr Reichert, het d Bronzemedaille gwunne. Zwai Johr speter het si dr Slalom vu dr SDS-Ranne z Grindelwald gwunne, voreb ire ne Chnoodeverletzig e langi Paus yybrocht het un ire s vorzytig Karriereand droht het. ^[1] Wu si wider gsund woren isch, isch d Reichert bi dr Olympische Winterspiil 1956 z Cortina d’Ampezzo iberraschend Erschti im Riiseslalom wore. D Ossi Reichert (1:56,5 min.) het dr Eschtrycheri Josefa Frandl im Ranne 1,3 Sekunde abgnuu. Di Weschtdytsch het bi dr Winterspiil 1956 di ainzig Goldmedaille fir di gsamtdytsch Equipe gwunne. Im namlige Johr isch d Allgaieri dreimol Dytschi Maischter wore, im Slalom, Riiseslalom un Kumbination. Noch em And vu ire sportlige Karriere het d Gaschtwirtsdochter noch em Hotel vu dr Eltere z Gunzesried gluegt. No dr Ossi Reichert sin e Schyyliftaalag un e Abfahrtsstrecki in dr Allgaier Hernergruppe gnannt.

Fir iri sportlige Erfolg isch si am 11. Merz 1952 mit em Silberne Lorbeerblatt uuszaichnet wore. ^[2]

Statischtik [ andere | Qualltaxt bearbeite ]

	Disziplin	Blatz
Oslo 1952	Riiseslalom	8.
	Slalom	2.
Cortina d’Ampezzo 1956	Riiseslalom	1.

Weblink [ andere | Qualltaxt bearbeite ]

• Ossi Reichert in dr Datebank vum Internationale Skiverband FIS (anglisch)
• Ossi Reichert bei Ski-db (englisch)
• Ossi Reichert in dr Datebank vu Sports-Reference.com (anglisch)

Fueßnote [ andere | Qualltaxt bearbeite ]

1. ↑ Ossi Reicherts Ode an die Freude. Handelsblatt, 14. Februar 2010.
2. ↑ Sportbericht vu dr Bundesregierig vum 26. Septamber 1973 an Bundesdag ? Drucksache 7/1040 ? Syte 78

Da Artikel basiert uff ere fraie Ubersetzig vu dere Version vum Artikel ? Ossi_Reichert “ vu de dutsche Wikipedia. E Liste vu de Autore un Versione isch do z finde.