D’ Meghan Elizabeth Trainor (* 22. Dezamber 1993 uff Nantucket, Massachusetts) isch a amerikanischa Popsangera un Liadermachera. Bekannt worra-n-isch sa anna 2014 mit ihrer aarschta Singgel All About That Bass , wo Nummer-Ains-Hit in da Verainigta Schtaata worra-n-isch. In dr Walt isch d’ Singgel mehr ass 11 Millioona Mol verkauift worra. Insgsamt hat d’ Trainor biim Label Epic Records viar Schtudio-Alba veraffentligt. Sa hat mehrera Priisa bikumma, drunter dr Grammy Award 2016 vum ?Baschta Naija Kinschtler“.
In dr Trainor ihr Wark isch biiflusst vu dr Popmuussik vu da Joohra 1950. ’S isch a Mischung vu Pop, R&B, Doo Wop un Soul . In ihra Liader reedet sa oft iwwer Wiibligkait, Kaarwerbild un Salbschtarmachtigung. Naawa-n-ihra Muussikkarriar hat sa Schtimmarolla in da Filma Die Schlumpfe ? Das verlorene Dorf (2017) un Playmobil: Der Film (2019). Drzua isch sa Jury-Mitglied in da Farnsahsandunga The Four: Battle for Stardom (2018) un The Voice UK (2020).