Us der alemannische Wikipedia, der freie Dialakt-Enzyklopedy
D
LuK Challenge
isch e
Baarzytfahre
, wu bis 2006 Andi Juli bzw. Aafangs Augschte z
Biil
uusdrait woren isch. D LuK Challenge het zue dr
UCI Europe Tour
ghert (Kategori 1.1). Wag dr internationale Bedytig isch s Ranne as inoffizialli Waltmeischterschaft im Baarzytfahre aagsahne wore. D LuK Challenge isch in dr Hauptsach vum Automobilzueliferer
LuK Gruppe
finanziert wore.
Im Spotjohr 2006 het dr Hauptsponsor LuK no zahlryyche Dopingfalle im Radsport bekannt gee, ass er ufhert mit syym Engagement. Dodermit isch des Baarzytfahre yygstellt wore.
Vor dr LuK Challenge het d LuK Gruppe dr
LuK-Cup
gsponseret, e Stroßeranne, wu vu 1996 bis 2003 z Biil uusdrait woren isch.
D Vorlaifer vu dam Baarzytfahre geen bis in s Johr 1968 zruck. Im Lauf vu dr Johr het s e baar Mol dr Namme gwagslet, dr Sponsor un au dr Uusdragigsort:
- 1968 ? 1992:
Grand Prix Baden-Baden
(z Bade-Bade)
- 1993 ? 1996:
Telekom Grand Prix
(z Karlsrueh)
- 1997 ? 1999:
Grand Prix Breitling
(z Karlsrueh)
- 2000 ? 2001:
Grand Prix EnBW
(z Karlsrueh)
- 2002 ? 2003:
Karlsruher Versicherungs-Grand Prix
(z Karlsrueh)
- 2004 ? 2006:
LuK Challenge
(z Biil)
In dr Johr 2004 un 2005 het s au ne Fraue-Baarzytfahre gee.
Rekordsiiger sin mit je drej Siig dr
Tony Rominger
(1992, 1994, 1995), dr
Jens Voigt
(1999, 2004, 2005) un dr
Michael Rich
(2000, 2002, 2003).
Am 2. Augschte 2009 hatt z Bihl wider e Baarzytfahre solle stattfinde, s "Chrono 2" (UCI Kat 1.1). Dr Veraastalter Eugen Rosinger, wu au scho d LuK Challenge organisiert gha het, het s Ranne aber im Mai 2009 us organisatorische Grind abgsait, au d Uusdragig, wu fir 2010 blant gsi isch, isch abgsait wore.
