D Katrin Eggenberger (* 8. Septamber 1982 z Werdebarg SG ) isch e liechtaschtaanischi Bolitikeri ( FBP ). Si isch syt em 11. Novamber 2019 Mitgliid in dr Regierig vum Fiirschteduum Liechtaschtaa . As Regierigsreeti isch si fir s Minischterium fir Usseress, Juschtiz un Kultuur verantwortli.

Uusbildig un Beruef [ andere | Qualltaxt bearbeite ]

D Katrin Eggenberger isch as Chind vun eme Schwyzer Vater un ere liechtaschtaanische Mueter liechtaschtaanisch-schwyzerischi Doppelbuurgeri, uf d Walt chuu isch si z Werdebarg im Schwyzer Kanton Sanggale , in dr Neechi vu dr liechtaschtaanische Granze. ^[1] Si isch au in dr Schyz uf d Schuel gange, voreb si sie zum Bachelor- un Masterstudium an d Universiteet Liechtaschtaa chuu isch. Si het zeerscht vu 2003 bis 2008 e Bachelorstudium mit Verdiefig in Finanzdienschtlaischtige absolviert un ab 2010 e Masterstudium mit Verdiefig Banking and Financial Management, wu si anne 2012 abgschlosse het. ^[2]

Nabe ire Studium het si vu 2002 bis 2003 bi dr LGT Bank z Liechtaschtaa gschafft, vu 2004 bis 2008 bi dr liechtaschtaanische VP Bank un isch anne 2008 Mitgliid vu dr Dirakzioon vu dr Notenstein Privatbank z Sanggale woore. ^[2] Anne 2014 isch si in akademische Lehrbedriib retuurchuu un het an dr Universiteet Sanggale s Doktoraatsstudium vu dr Staatswisseschafte ufgnuu. In dam Rame het si au unter anderem an dr London School of Economics and Political Science , an dr University of Cambridge anne 2015 as Gaschtfoorscheri am Berkman Klein Center for Internet & Society vu dr Harvard University un am Liechtenstein Institute on Self-Determination vu dr Princeton University gfoorscht. ^[2] Iri Dokteraarbet '≪Solving Cooperation Problems over International Taxation: Power, Legitimacy and Sovereignty≫ het si 2019 yygee, ire Doktervater isch dr Nobelbryysdreeger Joseph E. Stiglitz gsii. ^[1] Dodermit isch si 2019 zur Dokteri vu dr Staatswisseschafte ( Dr. rer. publ. HSG ) an dr Universiteet Sanggale promoviert woore. ^[3]

Ab 2016 het si dernaabe as perseenligi Mitarbaiteri vum Klaus Schwab gschafft, em Grinder vum Waltwiirtschaftsfoorum , un isch Voositzeri vu dr Community of Chairpersons vum Waltwiirtschaftsfoorum gsii. ^{[1] [4]}

Bolitik [ andere | Qualltaxt bearbeite ]

Wu dr Liechtaschtaanisch Landdaag am 2. Juli 2019 dr bishaarige FBP-Regierigsreeti Aurelia Frick s Verdroue entzooge het, het d Fierig vu dr Fuurtschrittlige Buurgerbartei e Noofolgeri fir d Frick as Usse-, Juschtiz- un Kultuurminischteri gsuecht. Am 3. Septamber het dr Barteivoorschtand vu dr FBP d Katrin Eggenberger as neii Regierigsreeti nominiert, wu bis deert in kaire Bartei aktiv gsii isch. ^[5] Am 6. Novamber 2019 isch d Eggenberger vum Landdaag mit 18 Stimme zur neie Regierigsreeti gwehlt woore, ^[6] am 11. Novamber vum Erbprinz Alois von und zu Liechtenstein zur Regierigsreeti ernannt un am namlige Daag vum Regierigsschef Adrian Hasler veraidigt woore. ^[7] Si het in dr Regierig vum Fiirschteduum Liechtaschtaa d Verantwoortig fir d Ressort Usseress, Juschtiz un Kultuur ibernuu.

Weblink [ andere | Qualltaxt bearbeite ]

  Commons: Katrin Eggenberger  ? Sammlig vo Multimediadateie

• Offizialle Laabeslauf im Webportal vu dr Regierig vum Fiirschteduum Liechtaschtaa.

Fueßnote [ andere | Qualltaxt bearbeite ]

1. ↑ ^{1,0 1,1 1,2} Gunther Meier: Die neue Aussenministerin Liechtensteins hat auch den roten Pass. In: Neue Zurcher Zeitung. 11. November 2019, abgruefen am 27. November 2019 .  
2. ↑ ^{2,0 2,1 2,2} Offizialle Laabeslauf im Webportal vu dr Regierig vum Fiirschteduum Liechtaschtaa.
3. ↑ In Buchs aufgewachsene Katrin Eggenberger wird neue Aussenministerin Liechtensteins. Abgruefen am 9. Februar 2021 .  
4. ↑ Katrin Eggenberger. In: Maurice R. Greenberg World Fellows Program. Abgruefen am 9. Februar 2021 (amerikanischs Anglisch).  
5. ↑ Katrin Eggenberger soll Fricks Nachfolgerin werden. In: Liechtensteiner Vaterland . 7. September 2019, abgruefen am 27. November 2019 .  
6. ↑ Hannes Matt: Katrin Eggenberger erhalt 18 Ja-Stimmen im Landtag. In: Liechtensteiner Volksblatt . 6. November 2019, abgruefen am 27. November 2019 .  
7. ↑ Katrin Eggenberger als Regierungsratin vereidigt. In: Liechtensteiner Volksblatt . 11. November 2019, abgruefen am 27. November 2019 .  

Regierigsroot vom Furschtetum Liechtestaa Adrian Hasler  | Daniel Risch  | Katrin Eggenberger  | Dominique Hasler  | Mauro Pedrazzini

Da Artikel basiert uff ere fraie Ubersetzig vu dere Version vum Artikel ? Katrin_Eggenberger “ vu de dutsche Wikipedia. E Liste vu de Autore un Versione isch do z finde.